У Светлагорску дзіця пайшло з дзіцячага садка, выхавацельку будуць судзіць
39- 8.08.2016, 15:25
- 19,450
Праз недагляд выхавальніцы, 4-гадовае дзіця сышло з групы і атрымала траўму.
Маці хлопчыка звярнулася ў міліцыю з заявай аб тым, што дзіця атрымала траўму ў дзіцячым садку. Высветлілася, што траўму ён атрымаў не ў самым садку, а калі пералазіў праз агароджу падчас самастойнага паходу з групы, паведамляе ranak.by.
У дачыненні да 28-гадовай выхавацелькі 1 жніўня распачатая крымінальная справа паводле ч.1 арт.165 КК Рэспублікі Беларусь (неналежнае выкананне абавязкаў для гарантавання бяспекі жыцця і здароўя дзяцей). Ёй пагражае пакаранне ў выглядзе штрафу, або папраўчыя работы тэрмінам да двух гадоў, або абмежаванне волі на тэрмін да трох гадоў.