У Гомелі эвакуявалі чыгуначны вакзал

Напярэдадні раніцай прыстойна апрануты мужчына неадэкватна павёў сябе ля камеры захоўвання.

Як распавялі праваахоўнікі, ён паставіў перад дзяжурнай сакваяж і спешна сышоў, не абмовіўшыся не адзіным словам, не кажучы ўжо пра тое, што за багаж трэба было ўнесці плату. На просьбы вярнуцца, мужчына не прарэагаваў, піша sb.by.

Дзяжурная паведаміла ў міліцыю аб дзіўных паводзінах наведвальніка. Сапёры абследавалі пакінуты багаж. Эвакуявалі пасажыраў не толькі чыгуначнага вакзала, але і прыгараднага, які знаходзіцца ў непасрэднай блізкасці да яго.

Нічога падазронага ў сакваяжы не знайшлі. Яго гаспадар па выявах камер відэаназірання быў аператыўна знойдзены і затрыманы. Пасля пакінутага багажу ён таксама звярнуў на сябе ўвагу сваімі паводзінамі ў бары гатэля «Гомель» - выпіў каву кліента, і пайшоў.

Брыгада медыкаў псіханеўралагічнай дапамогі, якая прыбыла на месца здарэння, канстатавала ў мужчыны абвастрэнне псіхічнага захворвання і забрала яго для лячэння.