Маляр з Беларусі загінуў у цэнтры Пецярбурга

Малады мужчына абрынуўся з вышыні 5-га паверха і ад атрыманых траўмаў сканаў.

Паводле інфармацыі АН «Оперативное прикрытие», няшчасны выпадак адбыўся 22 верасня а 13:50 падчас афарбоўкі фасада будынка Інстытута холаду і біятэхналогій Універсітэта ІТМО ў доме 9 на вуліцы Ламаносава ў Пецярбургу. Паводле неўстаноўленай прычыны 29-гадовы грамадзянін Беларусі ўпаў з будаўнічых лясоў з вышыні 5-га паверха. Ад атрыманых траўмаў ён памёр на месцы здарэння, паведамляе сайт nation-news.ru.

Загінулы працаваў у адной з будаўнічых кампаній маляром. Праверку праводзіць Следчы камітэт.