Мікалай Вайцюхоўскі: Cудзейскае бязмежжа трэба спыняць

Дырэктар ФК «Віцебск» Мікалай Вайцюхоўскі пракаментаваў паразу сваёй каманды ад салігорскага «Шахцёра» (0:1) у матчы чэмпіянату Беларусі.

Кіраўнік ФК «Віцебск» таксама закрануў тэму судзейства.

- Вы былі на гульні з «Шахцёрам»?

- Так.

- Што скажыце пра гульню?

- Як дзейнічала каманда мне вельмі спадабалася. Было прыемна чуць водгукі салігорскіх заўзятараў аб гульні «Віцебска».

- Што скажыце пра незалічаны гол?

- Арбітр патлумачыў, што было становішча па-за гульнёй. У мяне да прыезду ў Віцебск няма магчымасці паглядзець паўтор, але ёсць вельмі вялікія сумневы ў правільнасці рашэння. Ёсць два больш відавочныя моманты - у цэнтры поля «заварушка», гульцы высвятляюць стасункі, прычым некаторыя ўжо высветлілі, як я мяркую, на выдаленне. Капітан каманды Гушчанка падбягае з мэтай супакоіць партнёраў і, не паспеўшы нічога зрабіць, атрымлівае жоўтую. Другі момант - «Шахцёр» спрабуе ўцячы ў контратаку, фаліт іншы гулец, магчыма, Лісіца, - жоўтую атрымлівае Казлоў! У абодвух гэта карткі, за якія яны прапускаюць наступную гульню! Улічваючы, што судзіў дасведчаны арбітр, я ўпэўнены - такіх супадзенняў не бывае!

- Клуб будзе пісьмова звяртацца ў АБФФ?

- Заўтра прагледзім уважліва паўторы і наважылі паводле якіх пытаннях будзем пісаць. Але пісаць будзем дакладна. Судзейскае бязмежжа трэба спыняць. Я падтрымліваю паважаных людзей беларускага футбола, якія нядаўна аб гэтым пытанні выказваліся, - прыводзіць словы Вайцюхоўскага афіцыйны сайт «Віцебска».