Google намякнуў на самы важны анонс за 8 гадоў

Нас чакае не проста радавы анонс гаджэтаў, а нешта большае.

Не так даўно Google паведаміў аб надыходзячым вялікім анонсе, які адбудзецца 4 кастрычніка, паведамляе tut.by.

24 верасня, у дзень 8-годдзя Android, кіраўнік Хірошы Лакхаймер, які адказвае ў Google за аперацыйныя сістэмы Android і Chrome OS, апублікаваў загадкавы запіс з намёкам на важнасць маючай адбыцца прэзентацыі.

«8 гадоў назад мы анансавалі першую версію Android. І мне здаецца, што яшчэ праз 8 гадоў мы будзем казаць аб анонсе, які пройдзе 4 кастрычніка».

Такім чынам, нас чакае анонс, параўнальны з прэзентацыяй першай версіі Android. Паводле самай апошняй інфармацыі, 4 кастрычніка Google анансуе гібрыд Android і Chrome OS пад назвай Andromeda. Але гэта будзе толькі прэзентацыя магчымасцяў - першыя прылады на новай АС павінны з'явіцца толькі налета.

Таксама чакаецца, што 4 кастрычніка Google афіцыйна адмовіцца ад працягу выпуску смартфонаў пад брэндам Nexus, замяніўшы іх лінейкай прадукцыйных і дарагіх Pixel-гаджэтаў.

Першынцамі новай серыі стануць смартфоны Pixel і Pixel XL, створаныя HTC. Працаваць яны будуць на Android 7.1.