Заснавальніка «Аўтарадыё» Юрыя Базана пахаваюць 27 верасня

Адвітанне з Юрыем Базанам адбудзецца на могілках у Міханавічах.

Пахаванне заснавальніка і галоўнага рэдактара «Аўтарадыё» Юрыя Базана адбудзецца 27 верасня а 12.30, паведамілі ў «Беларускаму партызану» ягоныя родзічы.

З прычыны акалічнасцяў адвітанне адбудзецца на месцы пахавання на могілках у Міханавічах: сэктар 22а, шэраг 5, дзялянка 7.

Заснавальнік і галоўны рэдактар «Аўтарадыё» Юрый Базан памёр на 54-м годзе жыцця 24 верасня.

«Аўтарадыё-Мінск» - першая радыёстанцыя ў Беларусі, якая пачала вяшчанне пасля раскідання СССР. З 1992 года і да 20 студзеня 1995 года станцыя працавала толькі на чашчыні 67,7 УКХ. У 2001 годзе была афіцыйна запушчаная паралельная чашчыня 105,1 FM.

На выбарах 2010 году «Аўтарадыё» падтрымала лозунг кандыдата ў прэзідэнты Андрэя Саннікава «Саша, сыходзь!».

У 2011 годзе «Аўтарадыё» прыбралі з эфіру. Адным з падстаў для спынення вяшчання стала папярэджанне, вынесенае Мінінфармам 10 студзеня. Згодна з афіцыйнай фармулёўкай, прычынай папярэджання і спынення вяшчання «Аўтарадыё» стала распаўсюджванне ў эфіры радыёстанцыі інфармацыі, якая «змяшчае публічныя заклікі да экстрэмісцкай дзейнасці».

Менавіта так чыноўнікі ўспрынялі фразу кандыдата ў прэзідэнты на выбарах-2010 Андрэя Саннікава ў рэкламным роліку аб тым, што «лёс краіны вызначаецца не на кухні, а на плошчы».

Юрый Базан доўга і марна спрабаваў выратаваць радыё ўсе гэтыя 6 гадоў. Пастанова аб закрыцці аспрэчвалася ва ўсіх інстанцыях, але засталася ў дзеянні.