Ісландыя абурылася манеўрамі расейскіх бамбавікоў каля яе мяжы

Інцыдэнт адбыўся ў паветранай прасторы Ісландыі непадалёк ад мяжы з Нарвегіяй.

Ісландыя выказала незадаволенасць у сувязі з небяспечным пралётам расейскіх бамбавікоў на невялікай адлегласці ад самалёта грамадзянскай авіяцыі. Адпаведную заяву напярэдадні зрабіла замежнапалітычная ўстанова краіны, паведамляе newsru.com са спасылкай на AFP.

Паводле звестак МЗС Ісландыі, тры расейскія бамбавікі Ту-160 праляцелі на 1800-2700 метраў ніжэй пасажырскага самалёта, які ляцеў з Рэйк'явіка ў Стакгольм.

Інцыдэнт, як сцвярджаецца, адбыўся ў паветранай прасторы Ісландыі непадалёк ад мяжы з Нарвегіяй. Расейскія самалёты пры гэтым не паведамлялі мясцовай дыспетчарскай службе пра меркаваны маршрут. У той жа час пасольства РФ у Ісландыі заявіла, што манеўр не быў небяспечны.

У МЗС Ісландыі таксама заявілі, што неаднаразова выказвалі супраць пралётаў неапазнаных расейскіх самалётаў праз пагрозы, якую яны могуць несці для грамадзянскай авіяцыі. Зрэшты, прадстаўнік амбасады РФ у Рэйк'явіку Аляксей Шадскій заявіў, што гэта падстава для таго, каб зноў адкрыць амерыканскую базу ВМС у Кеблавіке.

Адзначым, што Ісландыя ўваходзіць у лік краін NATO, якія падтрымалі летась ідэю цеснага супрацоўніцтва ў імкненні супрацьстаяць расейскай вайсковай пагрозе.

«Лідары Расеі паказалі, што яны гатовыя на практыцы выкарыстоўваць вайсковыя сродкі, каб дасягнуць сваіх палітычных мэтаў, нават калі гэта спалучана з парушэннем прынцыпаў міжнароднага заканадаўства», - уважаюць у Альянсе.

Адзначым, што на мінулым тыдні шведская газета Dagens Nyheter паведамляла пра тое, што ўлады Швецыі таксама атрымалі нейкія звесткі пра рост пагрозы з боку Расеі. Пры гэтым характар і змест пагрозы кіраўніцтва еўрапейскай краіны трымае пад грыфам сакрэтнасці.