Домрачава адмовілася нараджаць у палаце ад Лукашэнкі

Дзе з'явіцца на свет дачка алімпійскай чэмпіёнкі, да апошняга трымалася ў сакрэце.

Пасля суботніка, дзе Дар'я Домрачава працавала разам з Лукашэнкам, сумненняў не было: вядома, у 5-м менскім радзільным доме. Менавіта на яго будаўніцтве працавала спартоўка, менавіта ў яго запрасіў нараджаць Дар'ю дыктатар, паабяцаўшы асобную палату.

Калі ўвесну васьміразовы алімпійскі чэмпіён у біятлоне Оле-Эйнар Б'ёрндален абвясціў, што яны з Дашай у кастрычніку чакаюць першынца, «Комсомольская правда» пабывала ў новым 5-м радзільным доме.

Галоўны лекар Міхаіл Назарчук распавёў нам, што да Дашынага візіту ўсё гатова, а Б’ёрндалена гатовыя пусціць нават з пыласосам.

Мы разгледзелі і сучасны радзільны зал для партнёрскіх родаў, і двухпакаёвую палату, у якой разам з парадзіхай і малым можа пражываць і бацька. Выявілася, каб нараджаць разам, партнёр павінен атрымаць сертыфікат аб тым, што прайшоў навучанне партнёрскіх родаў.

Мы, здаецца, высветлілі ўсё пра 5-ю менскую радзільню, якую ў народзе назвалі найлепшай. Адкрытая напярэдадні 2016 года радзільня абышлася амаль у трыльён недамінаваных рублёў і абсталяваная самай сучаснай тэхнікай.

Але Даша наважыла па-свойму. Усё паказвае на тое, што трохразовая алімпійская чэмпіёнка абрала не 5-ю, а 6-ю радзільню Менска, якая абслугоўвае па прапісцы паліклінікі Серабранкі, Лошыцы, Курасоўшчыны і Малінаўкі. Але нездарма кажуць, што выбіраць трэба не памяшканні, а чалавека, дакладней спецыяліста, якому давяраеш. І Даша, відавочна, выбрала.

Як высветлілася, Дар'я разам са знакамітым мужам на днях пабывала ў 6-м радзільным доме на вуліцы Уральскай, даведалася інфармацыю пра платныя роды, пагутарыла з лекарам, агледзела віп-палату.

У 6-м радзільным доме нядаўна адкрылі віп-аддзяленне для парадзіх на некалькі прасторных палат з асобным уваходам, абсталяваных усім неабходным.

Дарэчы, індывідуальнае вядзенне родаў з абязбольваннем у 6-м радзільным доме для беларусаў каштуе 307 рублёў 51 капейку, а кругласутачны догляд за парадзіхай і нованароджаным у пасляродавым перыядзе пры адсутнасці медыцынскіх паказанняў - 47 рублёў 26 капеек на суткі.

Медперсанал радзільні так уражаны візітам зоркі, што некаторыя падумалі, што спартоўка прыехала нараджаць.

Але не. Хутчэй за ўсё, Дар'я да апошняга будзе знаходзіцца дома, а да медыкаў звернецца непасрэдна перад родамі.