Кіраўнік ФХБ: Калі жыццё стане больш стабільным, тады і пагаворым аб другім клубе КХЛ
5- 28.09.2016, 20:15
- 25,202
Відавочна, другі беларускі клуб у Кантынентальнай хакейнай лізе не з'явіцца.
Кіраўнік ФХБ Ігар Рачкоўскі падзяліўся меркаваннем пра выступ «Юнацтва» ў Лізе чэмпіёнаў, а таксама прыгадаў словы Міхаіла Захарава пра тое, што клуб хацеў бы выступаць у КХЛ, піша tut.by.
- Як вы ацэніце выступ каманды Міхаіла Захарава ў Лізе чэмпіёнаў?
- Думаю, гэта поспех. Хоць Захараў год таму скептычна казаў пра гэтыя турніры, а пасля чэмпіёнства «Юнацтва» разважаў, у якой складанай лізе ім трэба будзе выступаць, гаварыў, што рабіць там няма чаго. Але мы ўсе ведаем пра гэтую якасць Міхаіла Міхайлавіча і ставімся з невялікай іроніяй. Важна іншае - ліга сапраўды вельмі прадстаўнічая. У наступным годзе турнір будзе мяняць фармат, і мы вельмі хочам зноў узяць у ім удзел. Таму поспехі «Юнацтва» надзвычай важныя, яны з'яўляюцца добрым довадам пры прыняцці нашай заяўкі.
- Але не сакрэт, што Міхаіл Захараў хоча гуляць у іншым турніры - Кантынентальнай хакейнай лізе.
- Давайце для пачатку з усім светам выйдзем з гэтай няпростай эканамічнай сітуацыі. Вось калі агульнымі намаганнямі жыццё стане больш стабільным, мы і пагаворым аб другім клубе ў КХЛ. Праект гэта вельмі сур'ёзны і нятанны, - сказаў Рачкоўскі.