У суботу ў Беларусі будзе да +25

Цёплае надвор'е чакае беларусаў у выходныя.

У найбліжэйшыя дні, 1 кастрычніка, у Беларусі чакаецца воблачнае з праясненнямі надвор'е. Уначы і раніцай на большай частцы тэрыторыі, удзень месцамі пройдуць кароткачасовыя дажджы.

Таксама ўначы і раніцай у асобных раёнах магчымы слабы туман. Вецер чакаецца паўднёва-заходні, 3-8 метраў у секунду.

Тэмпература паветра ўначы складзе 9-15 градусаў цяпла, удзень прагназуецца 16-22 градусы, на поўдні будзе плюс 23-25 градусаў вышэй за нуль, паведамляе БелТА са спасылкай на Рэспубліканскі цэнтр гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.