Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Да 90 адсоткаў індывідуальных прадпрымальнікаў і асобаў, працуючых па найму, бяруць удзел у аб`яўленай з 1 студзеня пацідзённай агульнарэспубліканскай забастоўцы.
Лідары грамадзкіх аб`яднаньняў Віцебску, у тым ліку старшыня гарадзкой арганізацыі АГП Алена Залеская, прадстаўнікі аб`яднаньня "Каўчэг" Ірына Байдак, БНФ "Адраджэньне" Сяргей Аксімовіч і БСДП (НГ) Ада Баброва накіравалі 30 сьнежня старшыні Віцебскага гарвыканкама Уладзіміру Пелагейку заяву пратэсту. Падставай для гэтага стала рашэньне гарадзкой адміністрацыі аб адводзе месцаў для правядзеньня ўсіх сходаў, мітынгаў, вулічных шэсьцяў, дэманстрацыяў, пікетаваньня і іншых падобных мерапрыемстваў у абласным цэнтры.
У 2001 годзе варта чакаць значнага павелічэньня патоку нелегальных мігрантаў праз Беларусь. Пра гэта 2 студзеня заявіў БелаПАН намесьнік старшыні Дзяржаўнага камітэту пагранічных войскаў рэспублікі генерал-маёр Мікалай Кохан. Паводле ягоных слоў, такі прагноз абумоўлены ўвядзеньнем у будучым годзе Польшчай візавага рэжыму з азыяцкімі дзяржавамі і з краінамі СНД, у тым ліку з Беларусьсю. Але, калі з Беларусьсю Польшча ўводзіць візавы рэжым у сярэдзіне года, то з Манголіяй, з некаторымі дзяржавамі Садружнасьці - ужо з 1 студзеня.
Прэзыдэнт Пуцін у якасьці рычагоў уплыву на суседнія з Расеяй краіны выкарыстоўвае нафта- й газапровады. Пуцін відавочна даб`ецца сваёй мэты пераўтварэньня Расеі ў дамінуючую дзяржаву эўразійскага рэгіёну. Постсавецкія рэспублікі, краіны СНД з непакоем назіраюць за тым ,як Расея выкарыстоўвае свае энэргарэсурсы з тым, каб маніпуляваць суседзямі. Такая новая рэчаіснасьць геапалітыкі й геаэканомікі Эўразіі, з якой так ці інакш прыйдзеца мець справу Адміністрацыі Буша малодшага. Расея аказвае ціск як на імпарцёраў яе нафты Украіну й Грузію, так і на экспарцёраў - багаты на нафту Азэрбайджан і ня меньш багаты газам Туркменістан. Расея, якая пастаўляе прыродны газ у суседнія дзяржавы, можа ў любы момант абмежаваць свае пастаўкі. Калі так адбудзецца ў халодны зімовы перыяд краіне-імпарцёру не мінаваць народнага гневу й крызісу ўлады. Такім чынам, Расея павялічвае эканамічную й палітычную залежнасьць такіх краінаў ад сябе самой.
Труп мужчыны ў касьцюме Дзеда Мароза быў знойдзены раніцай 1 студзеня ў адным з населеных пунктаў Смаргоньскага раёну Гродзенскай вобласьці. Як паведамляе НТВ са спасылкаю на "Інтэрфакс", смерць наступіла ў выніку нажавога раненьня ў сэрца.
каб дабіцца выплаты грошаў для сьвяткаваньня Новага году. Не дачакаўшыся выплаты заробку за лістапад, 28 сьнежня каля тысячы рабочых Магілёўскага аўтазаводу выйшлі на вуліцу і спынілі рух транспарту.
На гэты раз - пра яго невяртаньне. Звычайна Аляксандар Лукашэнка наадварот, пагражае ўсяму сьвету, што вось-вось падпіша з рускімі пагадненьне аб уводзе на Беларусь ядзерных ракетаў, базы для якіх гатовы.
У параўнаньні з лістападам на 7,6% павялічылася квартплата (тэхабслугоўваньне), амаль на 8% падаражэлі ацяпленьне, гарачая вада й каналізацыя, газа, вываз і абаскоджваньне адходаў, на 9,2 асоткі вырасла плата за карыстаньне ліфтам.
У канцы сьнежня урад Расеі выдзеліў крэдыт у 30 мільёнаў даляраў і 30 сьнежня зрабіў Лукашэнка яшчэ адзін падарунак - прам`ер Касьянаў прадліў пагадненьне аб частковай аплаце запазычанасьці за газ пастаўкамі харчаваньня й матэрыяльна-тэхнічнымі рэсурсамі
Па паведамленьні інфармацыйных расейскіх агенцтваў, кошты ў нашай краіне на працягу года вырасьлі амаль удвая. Але гэта ў сярэднім. Платныя паслугі насельніцтву, напрыклад, сталі даражэй у тры разы. Высокаю была інфляцыя таксама на Ўкраіне і ў Такжыкестане, але зь Беларусьсю гэтыя паказчыкі ўсё адно не параўнальныя.
З 1 студзеня ў Беларусі зьніжаюцца тарыфы на паслугі доступу да сеткі Інтэрнэт. Тарыфы зьніжаны у сярэднім на 20адсоткаў, для прадпрыемстваў і арганізацыяў - на 50. Зьніжэньне тарыфаў стала магчымым дзякуючы пашырэньню зьнешніх інтэрнэт-каналаў і ліквідацыі множнасьці курсаў беларускага рубля.
Група невядомых асобаў зрабіла 30 сьнежня напад на менскую сінагогу. Як паведамляе радыё "Свабода", група невядомых закідала будынак сінагогі з запальваючай сумясьсю. Вартаўнікі змаглі патушыць полымя, будынку нанесена значная шкода. У мінулым годзе у нашай краіне зафіксавана некалькі выпадкаў нападу на сінагогі й зьнявагі габрэйскіх могілак.
, iнформэр
