Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"За каго б вы аддалі свой голас, калі б сёньня адбыліся выбары прэзыдэнта Беларусі?" - з такім пытаньнем зьвярнуліся да жыхароў Менску супрацоўнікі сацыялагічнай службы "Зеркало" інфармацыйнай кампаніі БелаПАН падчас пераднавагодняга апытаньня. Былі апытаныя пяцьсот мінчан ва ўзросце 18 гадоў і старэй. 21 адсоткаў зь іх заявілі, што гатовы аддаць свае галасы Аляксандру Лукашэнку.
18,7 адсоткаў склала рэнтабельнасьць перавозак на Беларускай чыгунцы (БЧ) па выніках 11 месяцаў 2000 года. У параўнаньні з аналягічным перыядам 1999 года гэты паказчык скараціўся на 2,4 адсоткі.
Узноўлены ў сярэдзіне сьнежня 2000 года экспарт электраэнергіі зь Літвы на Беларусь з 1 студзеня зноў спынены, і літоўская электраэнергія экспартуецца толькі ў Латвію й Эстонію.
Ваенная дактрына "саюзнай дзяржавы Расеі й Беларусі" будзе разгляджана й зацьверджана у сярэдзіне 2001 года. Пра гэта карэспандэнту расейскага Агенцтва ваенных навінаў паведаміў старшыня, член "парлямэнцкага сходу Саюзу Расеі й Беларусі" Барыс Біккінін.
Маладыя беларускія патрыёты вывесілі ў ноч на 2 студзеня нацыянальны бел-чырвона-белы сьцяг над будынкам мяцовага райвыканкаму. Акцыя прайшла нахабна - на вачах міліцыі й мясцовых жыхароў. Пачынаючы з 31 сьнежня, у Барысаве невядомыя зьдзяйсьняюць адну за другой антыўрадавыя акцыі пратэсту.
Тацьцяна Станкевіч - адвакат палітвязьня дэпутата Вярхоўнага Савета Уладзіміра Кудзінава - накіравала 3 студзеня ў Менскі абласны суд наглядную скаргу. Адвакат настойвае на зьмяненьні прыгавору ў сувязі з увядзеньнем у дзеяньне з 1 студзеня 2001 года новага Крымінальнага кодэксу Рэспублікі Беларусь.
Па стану на вечар 3 студзеня страйкам ахоплена больш 90% прыватных прадпрымальнікаў краіны - 200.000 чалавек, зь якіх прыкладна 100.000 прадпрымальнікаў й 100. 000 асобаў працуючых па найму. Страйк працягнецца да 5 студзеня. Акцыя пратэсту выклікана тым, што ўрад адмаўляецца выконваць узятыя на сябе абавязкі па спыненьні санкцыяў адносна прадпрымальнікаў. Акрамя таго, да гэта дня не пачаліся рэальныя перамовы ураду са стачкамам прадпрымальнікаў.
З 1 студзеня 2001 года на тэрыторыі Беларусі спыняецца абарачэньне разьліковых білетаў узору 1992-1999 гадоў - яны страчваюць плацежаздольнасьць і не падлягаюць прыёму ні ў якія віды плацяжоў. У абарачэньні застаюцца толькі дэнамінаваныя банкноты, выпушчаныя ў 2000 годзе. Банкноты старога ўзору, якія засталіся на руках у грамадзянаў, можна абмяняць на новыя ў беларускіх банках без усялякіх абмежаваньняў і збіраньня камісійных. Аднак гэта ў тэорыі…
, iнформэр
