Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Старыя грошы ўжо несапраўдныя. Але памяняць іх на новыя вельмі цяжка 11:01, 04/01/2001
З 1 студзеня 2001 года на тэрыторыі Беларусі спыняецца абарачэньне разьліковых білетаў узору 1992-1999 гадоў - яны страчваюць плацежаздольнасьць і не падлягаюць прыёму ні ў якія віды плацяжоў. У абарачэньні застаюцца толькі дэнамінаваныя банкноты, выпушчаныя ў 2000 годзе. Банкноты старога ўзору, якія засталіся на руках у грамадзянаў, можна абмяняць на новыя ў беларускіх банках без усялякіх абмежаваньняў і збіраньня камісійных. Аднак гэта ў тэорыі…
Як паведамляе радыё "Свабода", у Менску немагчыма абмяняць грошы старога ўзору на новыя: не працуюць ашчадныя касы. Супрацоўнікі банкаўскіх аддзяленьняў тлумачаць працяглы перапынак у абслугоўваньні наведнікаў рашэньнем сталічных уладаў. Большасьць аддзяленьняў "Беларусбанку", якія выконваюць ролю ашчадных касаў, 3 студзеня так і не адчыніліся.
Паводле супрацоўнікаў ашчаднае кас, начальства й гарадзкія ўлады загадалі ім зрабіць незапланаваны выходны.
, iнформэр
