Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Маладыя беларускія патрыёты вывесілі ў ноч на 2 студзеня нацыянальны бел-чырвона-белы сьцяг над будынкам мяцовага райвыканкаму. Акцыя прайшла нахабна - на вачах міліцыі й мясцовых жыхароў. Пачынаючы з 31 сьнежня, у Барысаве невядомыя зьдзяйсьняюць адну за другой антыўрадавыя акцыі пратэсту.
Пасьля таго, як над будынкам мясцовай "вертыкалі" быў усталяваны нармальны сьцяг, хлопцы падпалілі лукашэнкаўскі герб на дошцы гонару, якая стаіць на галоўнай плошчы горада ля райвыканкаму. Паходня разгарэлася пад гучнае "Далоў дыктатуру!" Ніхто з удзельнікаў акцыі арыштаваны ня быў.
Першай акцыяй ананімных патрыётаў пад Новы год у Барысаве стаўся надпіс на бэтонных плітах агароджы вакол гарадзкога стадыёну: "Жыве Беларусь!". Раніцай 1 студзеня, якраз да пачатку страйку мясцовых прадпрымальнікаў, што тут гандлююць на рэчавым рынку, зноў жа нехта на суседняй пліце напісаў: "У ХХІ стагодзьдзе - без дыктатуры!", а пад заклікам намаляваў карыкатуру на Аляксандра Лукашэнку
, iнформэр
