Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прэзыдэнт Чылі Рыкардо Лагос агучыў 8 лістапада вынікі працы камісіі па правах чалавека, стваранай для вызначэньня месцазнаходжаньня астанкаў тысячаў людзей, забітых у гады кіраваньня ваеннай хунты. Па словах прэзыдэнта, была магчымасьць сабраць інфармацыю толькі пра 180 чылійцаў. Лёс соцен іншых застаецца невядомым.
6 студзеня скончыўся месячны тэрмін, адведзены ўраду на рэагаваньне ліста са 168 тысячамі подпісаў работнікаў адукацыі з патрабаваньнем давесьці сярэдні настаўніцкі заробак да прамысловага. 8 студзеня - у першы дзень зімовых вакацыяў - настаўнікі выйдуць на працу, і калі гэтым днём прафсаюз работнікаў адукацыі і навукі не атрымае адказу з Саўміна, прафсаюз распачне зь ім калектыўную спрэчку. Гэта настолькі складаная працэдура, што яна можа расьцягнуцца не на адзін месяц.
У 2000 годзе Камітэт па наглядзе за бясьпечным вядзеньнем працы прамысловасьці й атамнай энергетыцы пры міністэрстве па надзвычайных сітуацыях (МНС) Беларусі прыпыніў дзейнасьць каля 600 аб`ектаў з-за таго, што яны рэальна пагражалі жыцьцю людзей. Усяго ў краіне за год былі правераныя больш за 11 тысячаў прадпрыемстваў і арганізацыяў. Такія зьвесткі прывёў старшыня камітэту Іван Клімчынскі на пашыраным пасэджаньні калегіі МНС 4 студзеня.
пра магчымыя правакацыі. Сям`я Лявонавых не выключае, што на пэўны час ім давядзецца пакінуць Менск. Невядомыя асобы пагражаюць былому міністру сельскай гаспадаркі Васілю Лявонаву, які на тры гады быў кінуты рэжымам за краты і толькі два месяцы таму вызваліўся. Пагрозы сям`і Лявонавых перадаюць людзі, якія спасылаюцца на дасьведчаныя крыніцы ва ўладных і сілавых стуктурах. Маўляў, даведзены загад альбо ізноў надзець на Лявонава кайданкі, альбо пазбавіцца яго інакш.
Па фактах нерацыянальнага выкарыстаньня мінеральных угнаеньняў, выдзеленых Нараўлянскаму раёну за кошт сродкаў, якія прадугледжаны бюджэтам для мінімізацыі наступстваў аварыі на ЧАЭС, узбуджана крымінальная справа. Пра гэта 5 студзеня паведаміў старшыня Камітэта дзяржкантролю Гомельскай вобласьці Валерый Дулебянец.
Беларускія ўлады працягваюць напружваць адносіны са Злучанымі Штатамі Амэрэкі. У мінулы чацьвер Лукашэнка прыняў даверчыя граматы ад амбасадара Рэспублікі Мадагаскар, сталая рэзыдэнцыя якога знаходзіцца ў Маскве. Відавочна, што мадагаскарскі дыплямат ня мог прыбыць у Менск раней за амэрыканскага амбасадара Майкла Козака, які чакае сустрэчы са спадаром Лукашэнкам ужо два з паловай месяцы, ды якому абяцалі прыняць ягоныя граматы яшчэ да канца лістапада. Увечар 5 студзеня амэрыканская амбасада ў Менску адрэагавала на ўручэньне Лукашэнку даверчых граматаў амбасадарам Мадагаскару, які апярэдзіў амбасадара ЗША Козака.
Пяцідзённы страйк індывідуальных прадпрымальнікаў і асобаў, працуючых па найму, прайшла на "выдатна". Такое меркаваньне выказалі кіраўнікі страйкаму прадпрымальнікаў 5 студзеня на прэс-канферэнцыі ў Менску.
вынесены ў мінулую пятніцу ў Віцебску. Буйному грашоваму пакараньню падвергліся актывісты Аб`яднанай грамадзянскай партыі Алена Залеская, Анатоль Захараў, Дзяніс Мускі й Сяргей Васенка, якія 10 сьнежня спрабавалі правесьці ў абласным цэнтры пікет, прысьвечаны 52-гадавіне прыняцьця Ўсеагульнай Дэклярацыі правоў чалаввеак. Іх абвінавацілі ў парушэньні парадку правядзеньня сходаў паводле Адміністрацыйнага кодэксу Рэспублікі Беларусь. Залеская й Васенка аштрафаваныя на 150 мінімальных заробкаў кожны - 540 тысячаў рублёў (каля 500даляраў). Захараву й Мускаму вынесены папярэджаньні.
"Каму што баліць…" - менавіта гэтак у колах інтэлігенцыі каментуюць прынятыя на мінулым тыдні Аляксандрам Лукашэнкам указы аб прэміі за 2000 год "За духоўнае адраджэньне" й "сьпецыяльных прэміях Прэзыдэнта Рэспублікі Беларусь дзеячам культуры і мастацтва". Нагода для жартаў з`явілася таму, што ў сьпісе ўганараваных апынуўся прэзыдэнт Канфедэрацыі стылістаў Аляксандра Лазоўская - "за перамогу ў першым чэмпіянаце па цырульніцкім мастэрстве краінаў Усходняй Еўропы 2000 года, вялікі ўнёсак у выхаваньне творчай моладзі і высокае прафэсійнае майстэрства". А у Лукашэнкі, як вядома, з прычоскаю існуюць накаторыя праблемы. Калі ж сур`ёзна, то дужа дзіўныя ў А.Лукашэнкі ўяўленьні, што такое культура й мастацтва. Усяго "спецыяльнымі прэміямі" ўлаўрэаваны 21 чалавек, прычым амаль усе яны асобы малавядомыя й збольшага прыцягнутыя за вушы.
Латвія ўводзіць абмежаваньні на набыцьцё беларускіх і расейскіх аўтамабіляў: з 1 студзеня 2001 года ў краіне дазваляецца набыцьцё толькі тых транспартных сродкаў, якія маюць сэртыфікат Эўрапэйскага зьвязу. Правілы рэгістрацыі транспартных сродкаў Міністэрства зносінаў Латвіі, зацверджаныя Кабінетам міністраў гэтай краіны і якія ўступілі ў сілу з 1 студзеня 2001 года, фактычна закрываюць латвійскі рынак для ўвозу новых аўтамабіляў, не сэртыфікаваных у адпаведнасьці з "Эўра-2".
Літва спросьціла парадак выдачы ўязных візаў для грамадзянаў некаторых дзяржаваў СНД, паведаміла 6 студзеня прэс-служба ўраду гэтай краіны. З гэтага часу такую візу без спэцыяльнага запрашэньня, зацьверджанага ў міграцыйнай службе Літвы, як гэта было да сёньняшняга часу, змогуць аформіць грамадзяне Расеі, Беларусі, Украіны, Казахстану, Малдовы й Тайваню.
Міністэрства замежных справаў Польшчы заявіла, што больш не патрабуе падвергнуць спэцыяльнай міжнароднай інспэкцыі, паведамляе РІА. У заяве, у прыватнасьці гаворыцца пра тое, што "Польшча не патрабуе правядзеньня на тэрыторыі Расеі іспэкцыі, што мае надзвычайны характар і выходзіць за рамкі, вызначаныя міжнародным правам й шматбаковымі пагадненьнямі".
, iнформэр
