Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Арганізатары страйку прдпрымальнікаў ацанілі вынікі гэтай акцыі на "выдатна" 11:07, 08/01/2001
Пяцідзённы страйк індывідуальных прадпрымальнікаў і асобаў, працуючых па найму, прайшла на "выдатна". Такое меркаваньне выказалі кіраўнікі страйкаму прадпрымальнікаў 5 студзеня на прэс-канферэнцыі ў Менску.
Забастоўку падтрымалі ад 180 да 220 тысячаў прадпрымальнікаў і асобаў, працуючых па найму, ва ўсіх абласных і большасьці раённых цэнтраў - Маладзечне, Барысаве, Дзяржынску, Мазыры, Рэчыцы, Асіповічах, Калінкавічах, Оршы і іншых. Упершыню разам з "чаўнакамі" на працу ня выйшлі многія гандляры харчовымі таварамі. У шматлікіх раённых цэнтрах акцыя працягваецца - там на мясцовым узроўні вырашана працягнуць страйк на тэрмін ад 10 да 15 дзён.
Зараз, калі ўлады ня пойдуць на саступкі прадпрымальнікам - не адменяць падаткі на ўвозімыя з Расеі тавары, ня спыняць канфіскацыі за парушэньне правілаў гандлю й так далей - забастоўкі будуць праходзіць штомесячна. І хоць чыноўнікі заяўляюць, што ў Савеце Міністраў на разгледжаньні ўжо знаходзяцца ўсе патрэбныя дакуманты, ніхто з прадпрымальнікаў іх ня бачыў.
Чарговая акцыя запланаваная на канец лютага. Ня выключана й больш раньняя дата правядзеньня - у тым выпадку, калі ўлады пачнуць рэпрэсіі супраць прадпрымальнікаў у помсту за іх супраціў.
, iнформэр
