Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністэрства сельскай гаспадаркі і харчаваньня Беларусі працягнула забаронныя санкцыі на ўвоз буйной і дробнай рагатай жывёлы, ялавічыны, бараніны і прадуктаў з іх, кармоў жывёльнага паходжаньня з Англіі, Ірляндыі, Швэйцарыі, Партугаліі, Францыі, Галяндыі, Бэльгіі, Германіі, Даніі і Гішпаніі. Гэта зроблена ў сувязі з наступленьнем новага года, згодна з аператыўным комплексным планам мерапрыемстваў па прадухіленьню завозу і распаўсюджваньня губкападобнай энцэфалапатыі (каровінага шаленства) буйной рагатай жывёлы.
Увечар 9 студзеня рэдактары й выдаўцы незалежных газэтаў здолелі дамовіцца з дырэкцыяй тыпаграфіі "Мэджык" і прадстаўнікамі фінансавых органаў, якія пачалі апячатваць станкі "Мэджыка", пра тое, каб сёньняшнія газэты ўсё ж пабычылі сьвет. У шапіках і па падпісцы сёньня яшчэ можна атрымаць сьвежыя выпускі "Нашай Свабоды", "Народнай волі", "БДГ" і іншых газэтаў. Што будзе заўтра - пакуль незразумела.
Вядомы артыкул кінарэжысэра Віктара Дашука "А хто там iдзе?" зараз можна прачытаць ў інтэрнэце на http://dashuk.narod.ru/ Гэтая публікацыя прысьвечана "пакутнiкам за Беларусь - Анатолю Майсенi, Генадзю Карпенку, Юры Захаранку, Вiктару Ганчару, Анатолю Красоўскаму, Зьмiцеру Завацкаму".
9 студзеня карэспандэнт БелаПАН Генадзь Барбарыч быў выкліканы ў якасьці сьведкі на допыт у сувязі з яго публікацыяй у газэце "Народная воля" "Дзіма: новыя надзеі" наконт зьнікненьня аператара Грамадзкага Расейскага тэлебачаньня Зьміцера Завацкага. Допыт вялі сьледчыя пракуратуры Ўладзімер Чумачэнка й Зьміцер Петрушкевіч. Справа, па якой дапытвалі карэспандэнта, адносіцца да так званых "гучных" злачынстваў і мае грамадзкі рэзананс. Пад час допыту следчыя заявілі, што сваёй публікацыяй журналіст замінае вядзеньню следства.
пасьля ўзнагароджаньня напярэдадані новага года некаторых журналістаў, якія асьвятляюць рэлігійную тэматыку, кіраўніцтвам Беларускай праваслаўнай царквы. У ліку журналістаў, якія атрымалі юбілейныя граматы БПЦ з рук мітрапаліта Мінскага і Слуцкага Філарэта, аказаліся галоўны рэлактар "Народнай газеты" Міхаіл Шыманскі, аглядальнік гэтай жа газэты Ніна Яновіч і галоўны рэдактар рэдакцыі літаратурна-драматычных праграм Беларускага радыё Ніна Чайка.
За апошнія два тыдні, паводле зьвестак афіцыйнай статыстыкі, у Беларусі рэзка скарацілася запазычанасьць па заработнай плаце. Па стану на 31 сьнежня запазычанасьць па зарплаце ў краіне складала 0,9 адсоткі ад агульнага фонду заработнай платы. Гэта ў 4 з лішкам разы ніжэй за аналагічны паказчык на канец лістападу - тады ён дасягаў 3,8 адсоткі ад фонду зарплаты. Аднак у бліжэйшы час спецыялісты прагназуюць чарговы рост даўгоў па зарплаце.
31 сьнежня, як звычайна, "начальнік усяе Беларусі" за 15 хвілінаў да поўначы меў намер зьвяртацца да народу. Але сьвяточных навагодніх віншаваньняў ад "усенароднаабранага" жыхары Лёзна так і не дачакаліся. Трансьляцыя БТ ішла добра да таго часу, пакуль не зьявіўся на экранах "бацька". Як толькі ён адкрыў рот зрабіць віншавальную прамову, адразу на экранах тэлевізару пайшлі тлустыя шырокія палосы й зьнік гук. Але, як толькі ён скончыў, усё зьявілася. І гук, і бачнасьць.
Больш за два тыдні правёў у палоне студэнт Акадэміі кіраваньня пры прэзыдэнце РБ Мікалай Н. Хлопца захапілі яшчэ 21 сьнежня мінулага года ў Менску. Бандыты некалькі разоў мянялі месца ўтрыманьня палоннага, а паралельна вялі перамовы з ягонымі сваякамі. Апошняй сумай, якая называлася ў якасці выкупу, былі ажно 116 тысячаў даляраў. Цікава, што такія велізарныя па беларускіх мерках грошы патрабавалі за хлопца, бацька якога лічыцца беспрацоўным. Між тым бандыты зусім не былі падобнымі да вар`ятаў.
, iнформэр
