Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З 10 студзеня на Беларусі зноў выраслі тарыфы на перавозку пасажыраў легкавымі таксі. Пастановай Міністэрства транспарту і камунікацыяў упершыню ўведзены так званы начны тарыф, які дзейнічае з 22 да 6 гадзінаў і на 50 адсоткаў перавышае дзённы (з 6 да 22 гадзінаў). Кіламетр праезду і пасадка ў таксі ў начны час абыдуцца пасажыру ў 410 рублёў, а гадзіна прастою пры ўключаным таксаметры - 4.100 рублёў.
Кошт аднаго кіламетра прабегу і пасадкі ў таксі ў дзённы час складае 275 рублёў, адной гадзіны прастою пры ўключаным таксаметры - 2.750 рублёў. Раней кошт праезду ў таксі складаў 250 рублёў за кіламетр незалежна ад часу сутак. Гэты тарыф дзейнічаў з 1 кастрычніка 2000 года.
Паводле інфармацыі, атрыманай БелаПАН у Міністэрстве транспарту і камунікацый, увядзенне начнога тарыфу звязана з больш складанымі ўмовамі работы таксістаў у начны час. Акрамя таго, паводле слоў прадстаўніка міністэрства, "усім вядома, што ноччу таксісты бяруць больш, таму няхай хоць нешта перападае бюджэту".
, iнформэр
