Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З 10 ліпеня 1999 г. сын вядомага на Беларусі праваахоўніка Cяргея Абадоўскага - Зьміцер Абадоўскі знаходзіцца пад вартай у сьледчай турме Магілёва. Ён абвінавачваецца ў дзвух крадзяжах і гвалтаваньні. Спроба праваахоўных органаў падвергнуць яго суду мае на мэце падвойную мэту - зрабіць са Зьміцера рэцыдэвіста й тым самым сапсаваць рэпутацыю яго бацькі, праваабаронцы Сяргея Абадоўскага. Учора гісторыя "праваабарончага" бязьмежжа зьявілася ў інтэрнэце на сайце http://obodovskij.narod.ru/
У жонкі асуджанага дэпутата Вярхоўнага Савета 13-га скліканьня Андрэя Клімава Тацьцяны Клімавай-Леановіч 12-15 студзеня адбылося доўгае спатканьне з мужам, які адбывае пакараньне ў калёніі УЖ-15/1 у Менску (220079, Мінск, вуліца Кальварыйская, 36, УЖ 15/1, паштовая скрынка 35, атрад 13).
Летась за тыя або іншыя ўчынкі былі пакараныя каля 10 тысяч служачых і атэставаных супрацоўнікаў органаў унутраных справаў, што складае прыкладна 10 адсоткаў ад агульнага складу МУС Беларусі. Пра гэта ўчора на сустрэчы с журналістами паведаміў кіраўнік МУС Навумаў. Большая частка вінаватых, паводле ягоных слоў, была выяўлена ўласнымі сіламі міністэрства. Навумаў прызнаў, што ёсьць "яшчэ дастаткова фактаў, калі дзеяньні супрацоўнікаў ніяк не сувымяраюцца з іх прызначэньнем у нашай краіне".
Пра гэта на пасэджаньні прэзыдыума Савету міністраў паведаміў намесьнік міністра фінансаў Анатоль Сьверж. Гэты фонд ствараецца дзеля таго, каб выканаць прэзыдэнцкае абяцаньне пра пывышэньне да лета заробку да 100 даляраў. Паколькі істотна пераглядзець бюджэт ужо немагчыма, ўрад зрабіў упор на эканоміі бюджэтных сродкаў. Мяркуецца, што зэканомленыя грошы будуць акумулявацца ў спэцыяльным бюджэтным фондзе.
З 15 студзеня тэлефонныя званкі ва ўсе краіны былога СССР робяцца толькі з дапамогай міжнароднага коду (8-10). Як паведамілі БелаПАН у РА "Белтэлекам", апошнімі дзяржавамі, куды можна было пазваніць па старых кодах, былі Расея, Украіна і Казахстан.
Журналіст, лаўрэат Нацыянальнай прэміі па абароне правоў чалавека Валеры Шчукін ня быў дапушчаным 16 студзеня на прэс-канферэнцыю міністра ўнутраных справаў Уладзіміра Навумава. Супрацоўнік Прэс-службы МУС маёр Быкаў абвесьціў, што аб прэс-канферэнцыі былі папярэджаны дзяржаўныя СМІ і допуск ажыцьцяўляецца па папярэдняй акрэдытацыі. Прэс-канферэнцыя зьяўляецца адкрытым мерапрыемствам і згодна з Законам "Аб друку і іншых сродках масавай інфармацыі" доступ на такія мерапрыемствы для журналістаў свабодны, а пры акрэдытацыі іх яшчэ мусяць загадзьдзя папярэджваць. Не зважаючы на журналісцкае пасьведчанне, Шчукіна затрымалі на ўваходзе ў Міністэрства ўнутраных спраў, дзе праходзіла прэс-канферэнцыя.
Супрацоўнікі пракуратуры цягам 10 дзён павінны вызначыць, якія захады будуць узятыя да рэдакцыі газэты "Наша Свабода" з нагоды публікацыі артыкула "Доктарскае заключэньне". У панядзелак Дзяржкамітэт па друку афіцыйна накіраваў артыкул на экспэртызу ў пракуратуру. Матар`ял быў апублікаваны ў мінулую пятніцу, а ўжо ў панадзелак з`явіліся чуткі, што супраць галоўнага рэдактара газэты Паўла Жука ўзбуджана крымінальная справа па зьнявазе годнасьці Лукашэнкі.
16 студзеня на цэнтральнай плошчы Барысава сябры рэгіянальнае суполкі Беларускае Сацыяль-Дэмакратычнае Партыі ("Народная Грамада") правялі несанкцыяванае пікетаваньне пад лёзунгам "Патрабуем псыхіятрычнага абсьледаваньня Лукашэнкі".
"Дактары-псыхіятары прызналі Лукашэнка мазаічным псыхапатам", "У Маскву прыехаў звар`яцелы прэзыдэнт", "Лукашэнка - мазаічны псыхапат" - такімі загалоўкамі мільгацяць у гэтыя дні он-лайнавыя й традыцыйныя расейскія СМІ.
Беларускія чыноўнікі з МЗС дэманстратыўна праігнаравалі запрашэньне на прыём з нагоды 25-годзьдзя хэльсінскага Заключнага акту Рады па бясьпецы й супрацоўніцтву ў Эўропе. Прыём быў арганізаваны Кансультатыўна-Назіральнай групай АБСЭ, якая працуе ў Менску напрацягу некалькіх гадоў. Адносіны ўладаў да КНГ АБСЭ перайшлі ў стадыю канфлікту літаральна за апошні месяц.
"Культурна-спартовы візыт на палітыка-эканамічныя тэмы" - так можна назваць дзвухдзённы ваяж Аляксандара Лукашэнкі ў Маскву. Як вядома, прымаюць яго толькі кіраўнікі гэтай краіны, ды некалькі дробных дыктатараў ва ўсім сьвеце. Пад "шыльдай" адкрыцьця беларускіх культурніцкіх дзён Лукашэнка спрабаваў правенціляваць пытаньне пра дальнейшае выдзяленьне рускіх грошай у сваю падтрымку і высьветліць пазыцыю Масквы па пытаньню прэзыдэнцкіх выбараў, што хутка набліжаюцца. Ну, заадно прайграў у хакей.
Супрацоўнікі беларускай міліцыі затрымалі 16 студзеня ў Менску групу канібалаў з 6 чалавек. Як паведамілі "Інтэрфаксу", злачынцы былі арыштаваныя падчас сьледзтва па справе, заведзенаму пасьля таго, як у адным з водных каналаў Менску быў знойдзены расчленены труп мужчыны. Асоба загінулага зараз высьвятляецца.
, iнформэр
