Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускае МЗС працягвае неаб`яўленую "халодную" вайну 11:03, 17/01/2001
Беларускія чыноўнікі з МЗС дэманстратыўна праігнаравалі запрашэньне на прыём з нагоды 25-годзьдзя хэльсінскага Заключнага акту Рады па бясьпецы й супрацоўніцтву ў Эўропе. Прыём быў арганізаваны Кансультатыўна-Назіральнай групай АБСЭ, якая працуе ў Менску напрацягу некалькіх гадоў. Адносіны ўладаў да КНГ АБСЭ перайшлі ў стадыю канфлікту літаральна за апошні месяц.
КНГ АБСЭ неаднаразова выказвалася за цеснае супрацоўніцтва з уладамі, у прыватнасьці, з Міністэрствам замежных справаў Беларусі. Аднак ў апошні месяц прэзыдэнт Беларусі і некаторыя іншыя службовыя асобы крытыкавалі дзейнасьць Кансультатыўна-назіральнай групы, абвінавачваючы яе нават у падрыхтоўцы пад выглядам назіральнікаў, баявікоў для дзяржаўнага перавароту.
Што ня ўсё гладка ва ўзаемаадносінах, сьведчыць і той факт, што ні міністр замежных справаў Беларусі Міхаіл Хвастоў, ні хто-небудзь зь ягоных намесьнікаў не прыйшлі на прыём з нагоды 25-годзьдзя Хэльсінкскага акту, хоць дата гэтага прыёму ўзгаднялася з МЗС. Таму так і засталася нявыказанай наступная фраза з падрыхтаванага выступленьня сп. Віка ў частцы, у якой ён планаваў зьвярнуцца да Міхаіла Хвастова: "Ваша прысутнасьць сёньня ў якасьці ганаровага госьця пацьвярджае абавязацельствы Рэспублікі Беларусь кіравацца асноўнымі мэтамі і прынцыпамі АБСЭ".
, iнформэр
