Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Крымінальная справа за спробу трапіць на прэс-канферэнцыю ў МУС 11:04, 18/01/2001
узбуджана ўчора супраць журналіста, дэпутата ВС Валерыя Шчукіна.Сьледчыя Цэнтральнага РАУСу абвінавачваюць дэпутата ў злосным хуліганстве. Справу супраць дэпутата Валерыя Шчукіна ўзбудзілі паводле 339-га артыкулу, часткі 1 Крымінальнага кодэксу.
16 студзеня пазаштатны карэспандэнт недзяржаўнай газеты "Народная воля" Валерый Шчукін спрабаваў прайсьці ў будынак МУС на прэс-канферэнцыю міністра ўнутраных спраў Уладзіміра Навумава, але яго не прапусьцілі ў сувязі з адсутнасьцю акрэдытацыі. Шчукін паспрабаваў прарвацца цераз пост аховы, аднак трое ахоўнікаў павалілі яго на падлогу. Падчас барадзьбы было выбіта шкло ва ўваходных дзвярах, якое ўпала на ногі Шчукіна і нанесла яму глыбокія парэзы.
Праваабаронца, страціўшы шмат крыві, быў дастаўлены ў адзьдзяленьне мікрахірургіі шпіталю Міністэрства абароны, дзе яму наклалі швы на раны. У той же дзень, прама ў шпіталі, Шчукіна азнаёмілі з пастановай аб узбуджэньні ў дачыненьні да яго крымінальнай справы. Першапачаткова да дэпутата была прыстаўлена міліцэйская ахова, потым яе зьнялі.
Згодна новаму КК, злоснае хуліганства караецца альбо грамадзкай працай, альбо пазбаўленьнем волі да 2-х гадоў. Грамадзкая праца - гэта новы для Беларусі від пакараньня, уведзены новым Крымінальным кодэксам. Пакараны мусіць адпрацаваць ад 120 да 240 гадзінаў. Як гэта адбываецца, ніхто яшчэ ня ведае.
, iнформэр
