Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сітуацыя з расьследаваньнем зьнікненьня Зьміцера Завацкага становіцца крытычнай. Пра гэта 19 студзеня заявіў кіраўнік адзьдзелу спэцпраектаў ГРТ Павел Шарамет. Паводле зьвестак Шарамета, сьледчая група, якая займаецца расьсьледаваньнем зьнікненьня Завадзкага, а таксама іншымі цяжкімі злачынствамі, знаходзіцца на мяжы роспуску.
Рэдакцыя газэтаў "Навінкі" і "Музыкальная газета" аб`явілі пра правядзеньне першай нацыянальнай акцыі разьвянчаньня аўтарытэтаў і прынесьлі гэтую акцыю ў тым ліку і ў інтэрнэт. Адрэса сайту - http://gil.tut.by/. Шляхам усенароднага галасаваньня будуць вызначаны пераможцы ў намінацыях "Горшая група года", "Самы нецікавы альбом", "Самая няўдалая песьня", "Самы безсэнсоўны тэкст" і шмат іншых.
У 2001 годзе будзе выпушчана ня меньш мільёну тэлевізараў айчыннай вытворчасьці. Пра гэта заявіў 20 студзеня журналістам віцэ-прам`ер РФ Ільля Клябанаў. Паводле ягоных словаў, расейска-беларуская праграма "Саюзны тэлевізар" пачынае актыўна працаваць.
Больш за трэць сельгаспрадпрыемстваў Гомельшчыны - прыкладна 150 гаспадарак - стратныя, фінансавы стан яшчэ каля 200 гаспадарак таксама набліжаеца да нулявой адзнакі рэнтабельнасьці. На думку старшыні Гомельскага аблвыканкаму Мікалая Вайцянкова, выказаную на прэс-канферэнцыі ў мінулую пятніцу, гэта сьведчыць пра тое, што трэба мяняць адміністрацыйныя рычагі кіраваньня АПК на эканамічныя.
Палітычны камітэт Рады Эўропы на паседжаньні ў Страсбургзе 22-га ці 23-га студзеня ізноў будзе разглядаць беларускае пытаньне. Беларускае пытаньне - гэта статус "нацыянальнага сходу" Рэспублікі Беларусь у Парлямэнцкай Асамблеі Рады Эўропы. Яшчэ ў студзені 1997 году бюро Парлямэнцкай асамблеі прыпыніла статус "адмыслова запрошанага" для найвышэйшага заканадаўчага органу Беларусі. Прычына - уплывовая міжнародная арганізацыя не прызнае вынікаў лістападаўскага рэфэрэндуму 1996 году.
Як стала вядома "Сегодня", у адміністрацыі Аляксандра Лукашэнка распрацаваны законапраэкт пра інфармацыйную бясьпеку. які паступіць на днях для разгледжаньня ў ніжнюю палату беларускага парлямэнту. Беларускі аналяг расейскай Дактрыны інфармацыйнай бясьпекі ідзе нашмат далей у справе "абароны нацыянальнага інфармпрасторы". Гэты дакумант падзяляе дзяржаўныя й незалежныя СМІ на два супрацьлеглыя бакі. Асаблівую ўвагу паборнікі інфармацыйнай бясьпекі на Беларусі надзяляюць расейскім СМІ.
Затрыманьне ў ЗША дзяржсакратара "саюзнай дамовы" Расеі й Беларусі Паўла Барадзіна - "гэта не палітычная справа", заявіў у інтэрв`ю "Інтэрфаксу" 20 студзеня амбасадар ЗША ў РФ Джэймс Коллінз. Паводле ягоных словаў, "гэта справа праваахоўных органаў, і нічога акрамя гэтага няма".
Сямён Домаш падтрыманы шматлікімі вядучымі грамадзкімі арганізацыямі Беларусі як адзіны кандыдат ад аб`яднанай апазыцыі на прэзыдэнцкіх выбарах 2001 года, наведаў 20 студзеня Віцебск. Такія паездкі па Беларусі працягваюцца з восені мінулага года. На працягу дня спадар Домаш правёў шэраг сустрэчаў з лідэрамі і актывістамі грамадзкіх арганізацыяў і палітычных партыяўВіцебска і Віцебскае вобласьці. А ўвечары ў кінатэатры "Мір" адбылася сустрэча Сямёна Домаша з палітычна актыўнай грамадзкасьцю горада. Сустрэча сабрала некалькі сотняў удзельнікаў і доўжылася 2 гадзіны.
Аляксанадар Лукашэнка ізноў наведае Маскву з рабочым візытам 23 студзеня. Яго першы ў гэтым годзе візыт у расейскую сталіцу адбыўся 15-16 студзеня, падчас якога ён адкрыў Дні Беларусі ў Расеі. А вось запланаваная на студзень сустрэча Лукашэнкі з прэзыдэнтам Украіны Леанідам Кучмам, магчыма не адбудзецца. Пра гэта заявіў амбасадар Украіны ў Менску Анатоль Дронь, па словах якога, у Ківе незадаволены матар`яламі беларускіх дзяржаўных СМІ, дзе неаб`ектыўна расказваецца аб сытуацыі на Украіне.
прыбывае ў Менск 22 студзеня. Стэфана Бенаца, кар`ерны дыпламат, які займаў да прызначэньня ў Беларусь пасаду першага саветніка абасады Італіі ў Вашынгтоне, зьменіць на пасадзе кіраўніка італьянскага дыпляматычнага прадстаўніцтва свайго калегу Джавані Чэруці. Папярэднік спадара Бенаца прапрацаваў у Мінску амаль чатыры гады і адбыў на радзіму 20 студзеня.
Пра гэта заявіў 19 студзеня памочнік главы Беларусі Сяргей Посахаў. Паводле ягоных словаў, да такой высновы прыйшлі ўдзельнікі міжнароднай канфэрэнцыі, што адбылася ў італьянскім горадзе Палерма, паведамляе агенцтва БЕЛТА. На думку Посахава, той факт, што беларускае грамадзтва аднесена ў разрад найменьш карумпаваных, зьяўляецца вельмі важкім паказчыкам захоўваньня правоў і свабодаў нашых грамадзянаў, а таксама іх абароннасьці. Калі ўсе грошы ў краіне засяроджаны ў руках аднаго чалавека, лёкка гаварыць пра адсутнасьць карупцыі…
На 50 адсоткаў вырас з 20 студзеня кошт праезду ў грамадзкім транспарце Менску. Цяпер адна паездка па поўнаму тарыфу будзе каштаваць 60 рублёў (раней - 40), па ільготнаму - 30 (20). Адпаведна з лютага ў паўтара разы павялічыцца кошт праязных білетаў. Напрыклад, поўны праязны на ўсе віды транспарту падаражэе з 3200 да 4800 рублёў.
, iнформэр
