Дзьве фракцыі ПАСЭ СЭ прынялі рэзалюцыю па Беларусі :: Хартыя'97 :: Навiны

Спэцыяльную рэзалюцыю па Беларусі прынялі 24 студзеня сумесна фракцыі ліберальных дэмакратаў і эўрапейскіх дэмакратаў Парляманцкай асамблеі Савету Эўропы. Гэты дакумант вытрыманы ў дастаткова жорсткіх танах. У ім, у прыватнасьці, адзначаецца, што ўлады Беларусі ня выканалі вядомых умоваў міжнароднага супольніцтва для прызнаньня апошніх парляманцкіх выбараў свабоднымі і дэмакратычнымі. Таму "палата прадстаўнікоў нацыянальнага сходу" другога скліканьня ня можа быць прызнана легітымным парлямантам. Апошнім легітымным парлямантам Беларусі зьяўляецца Вярхоўны Савет 13-га скліканьня, зазначаецца ў рэзалюцыі.

Цяперашнім часам гэты дакумант вывучаецца яшчэ ў дзьвюх фракцыях ПАСЭ - "народнікаў" і сацыял-дэмакратаў, якія, магчыма, таксама яго падпішуць.

Пасьля слуханьняў у Камітэце па палітычных пытаньнях Парляманцкай асамблеі Савета Эўропы пра сытуацыю на Беларусі дакладчык ПАСЭ па Беларусі нямецкі парлямантарый Вольфганг Берант паведаміў, што наступны візыт Эўрапэйскай парляманцкай тройкі ў Менск адбудзецца з 5 па 7 сакавіка.

Паводле іфармацыі "Ю.С.Ньюс" у парляманцкую тройку ўваходзяць прадстаўнікі Парляманцкай асамблеі Савета Эўропы, Эўрапарляманту, Парляманцкай асамблеі АБСЭ. Ад Савету Эўропы акрамя Вольфганга Беранта на Беларусь прыедуць кіраўнік Палітычнага камітэту Парляманцкай асамблеі Тэры Дэвіс і дакладчык ад камітэту па прававых пытаньнях Цырыл Свобада.

В.Берант нагадаў , што неабходна дабіцца выкананьня чатырох асноўных патрабаваньняў да падрыхтоўкі і правядзеньня такіх выбараў, якія не былі выканыя беларускімі ўладамі мінулай восеньню:

- Я мяркую, што рашэьнне аб вяртаньні Беларусі статуса спецыяльна запрошанага ў ПАСЭ магчымае пасьля правядзеньня свабодных і справядлівых выбараў прэзыдэнта ў Беларусі. Калі гэта будзе дасягнута, беларускі парлямант атрымае статус спэцыяльна запрошанага ў ПАСЭ.