Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"Дзяржсакратар саюзу Беларусі й Расеі" Павел Барадзін, што знаходзіцца ў амэрыканскай турме выказаў сваю ўдзячнасьць Аляксандру Лукашэнку за падтрымку. Як стала вядома "Інтэрфаксу" з дыпляматычных крыніцаў, 25 студзеня ў турме Брукліну адбылася сустрэча П.Барадзіна і генэральных консулаў Беларусі А.Астроўскага і Расеі П.Пракофьева.
Як сьведчыць афіцыйная статыстыка, на Беларусі працягваецца эканамічны ўздым. Аб`ём валавога ўнутранага прадукту, вырабленага ў краіне ў 2000 годзе, павялічыўся на 6 адсоткаў у параўнаньні з паказчыкам за 1999 год. Рост прамысловай вытворчасьці склаў 8 адсоткаў, сельскагаспадарчай - 8,9адсоткі. Хто-небудзь на сабе гэта адчуў? Па той самай статыстыцы , ўзрасла колькасьць беспрацоўных - да пачатку гэтага года дасягнула паказчыку ў 2,1 адсоткі ад эканамічна актыўнага насельніцтва. Спажывецкія кошты за мінулы год павысіліся ў 2 разы.
У распаўсюджаным РА "Белтэлеком" прэс-рэлізе паведамляецца, што ў Менску ўведзены ў дзеяньне яшчэ адзін нумар тэлефону для безпарольнага доступу ў Інтэрнэт - 209-2662. Новы нумар прымеркаваны для выкарыстаньня паслугі абанентамі тых станцыяў, якія па тэхнічных прычынах не маюць доступа па нумару 8-600-100.
Менскі гарадзкі суд пацьвердзіў 25 студзеня, што Аляксандар Лукашэнка ды ягонае атачэньне могуць не выконваць Канстытуцыю Рэспублікі Беларусь. Артыкул 7 (аднолькавы ва ўсіх рэдакцыях Канстытуцыі) вызначае: "Нарматыўныя акты дзяржаўных органаў публікуюцца або даводзяцца да ўсеагульнага ведама іншым прадугледжаным законам спосабам". Аднак Лукашэнка 12 студзеня 1998 года падпісаў указ № 19, які нідзе ня быў апублікаваны, але абмежаваў правы журналістаў, што хочуць асьвятляць ягоную дзейнасьць.
Расея абвяргае абвінавачваньні ў перабольшваньні паўнамоцтваў, што раней прагучалі з вуснаў афіцыйнага Менску. інцыдэнт адбыўся ў чацьвер, пасьля таго, як у Злучаных Штатах быў затрыманы Павел Барадзін. Былы глава крамлёўскай адміністрацыі стаў перад судом Нью-Ёрку, які павінен вызначыцца паводле пытаньня аб выдачы Паўла барадзіна швэйцарскай пракуратуры, якая. у сваю чаргу, абвінавачвае чыноўніка ў адмываньні дзясяткаў мільёнаў даляраў на канктрактах па рэстаўрацыі Крамля.
Паседжаньне па справе экстрадыцыі Паўла Барадзіна швэйцарскаму првасудзьдзю пачалося ў бруклінскім федэральным судзе 25 студзеня ў 22:45 па маскоўскім часе, паведамляе ІТАР-ТАСС. Старшынствававаў на судзе федэральны судзьдзя Віктар Пагарэльскі. Як стала вядома да 01:00 26 студзеня, суд Нью-Ёрку прыняў рашэньне не выпускаць Паўла Барадзіна пад залог. Судзьдзя заявіў, што для гэтага няма дастатковых падставаў.
Дэпартамент камерцыі ЗША прыняў 17 студзеня рашэньне ўвесьці мытныя дэпазіты на імпарт сталёвай арматуры з васьмі краінаў, у ліку якіх і Беларусь. У дэпартаменце палічылі, што амэрыканскія вытворцы цярпяць ад несправядлівай канкурэнцыі з боку пастаўшчыкоў арматуры зь Беларусі, Інданезіі, Карэі, Кітая, Латвіі, Малдовы, Польшчы і Украіны, якія прадаюць сваю прадукцыю на амэрыканскім рынку па дэмпінгавых коштах.
Два дзесяткі вядучых прадстаўнікоў ад кансэрватараў накіравалі на імя Буша ліст, у якім яны заклікаюць новага прэзыдэнта зрабіць прыарытэтам зьнешняй палітыкі ЗША праблемы правоў чалавека, свабоды вераспавяданьня і дэмакратыі. Разам з тым, кансэрватары просяць Буша ня звужаць сфэры амэрыканскіх інтарэсаў за мяжой.
, iнформэр
