Новыя магчымасьці безпарольнага доступу ў Менску :: Хартыя'97 :: Навiны

У распаўсюджаным РА "Белтэлеком" прэс-рэлізе паведамляецца, што ў Менску ўведзены ў дзеяньне яшчэ адзін нумар тэлефону для безпарольнага доступу ў Інтэрнэт - 209-2662. Новы нумар прымеркаваны для выкарыстаньня паслугі абанентамі тых станцыяў, якія па тэхнічных прычынах не маюць доступа па нумару 8-600-100.

З 5 студзеня безпарольны доступ па новаму нумару адкрыты для абанентаў АТС-224, 227, 229, 231, 240, 241, 279, а з 15 студзеня - для абанентаў АТС 247, 248, 249, 251, 259, 252, 253, 255. Іншыя абаненты (АТС - 210, 211, 217, 213-216, 219, 221, 222, 226, 228, 230, 234, 238, 244, 250, 257, 258, 260-263, 270-272, 274, 275, 278, 283-286, 289) па-ранейшаму могуць карыстацца тэлефонам 8-600-100 для безпарольнага доступу ў глабальную сетку.

Тарыфы аднолькавыя для доступу па абодвух тэлефонам. аплпта за паслугі адбываецца адначасова з аплатай паслугаў сувязі, для вучэбных установаў падчас навучальнага году дзейнічае ільгота па аплаце.

Паведамляецца таксама, што паслугі безпарольнага доступу ў Інтэрнэт карыстаюцца вялікім попытам. У прыватнасьці, у лістападзе мінулага году па рэспубліцы ім карысталіся 19843 абоненты, у тым ліку ў Менску - 10 260. На сёньня ёмістасьць безпарольнага доступу па кодзе 8-600-100 складае 420 портаў (420 адначасовых сесіяў), ёмістасьць безпарольнага доступу па тэлефоне 209-26-62, у сваю чаргу, складае яшчэ 120 портаў.