Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія мытнікі сыходзяць з мяжы 11:08, 01/02/2001
Беларусь з 1 лютага здымае на межах з Бранскай, Пскоўскай і Смаленскай вабласьцямі мытныя пасты, якія кантралявалі вываз беларускіх тавараў у Расею. Падставаю для гэтага стаў дэкрэт Лукашэнкі, які уносіць істотныя зьмены ў распараджэньне главы дзяржавы ад 4 верасня 1998 года "Аб неадкладных мерах па абароне спажывецкага рынку".
Каментуючы па прсьбе ІТАР-ТАСС новы дэкрэт, старшыня дзяржаўнага мытнага камітэту Беларусі Вікенцій Макарэвіч адзначыў, што раней вялікая колькасьць танных беларускіх тавараў безкантрольна ўвозілася ў Расею. У сувязі з гэтым прымаліся меры па абароне правоў спажывецкага рынку Беларусі. Але зараз кошты ў Беларусі й Расеі амаль параўняліся. Паводле ацэнкі Вікенція Макарэвіча, "сёньня да нас вязуць з Расеі больш танныя тавары". Глава мытнага камітэту паведаміў, што на пасты, якія былі ўведзеныя на мяжы Беларусі й Расеі, пастаянна пераводзіліся больш за сотню мытнікаў. У адпаведнасьці з новым дэкрэтам прэзыдэнта "мы наогул сыходзім з беларуска-расейскай мяжы", - сказаў Вікенцій Макарэвіч.
, iнформэр
