Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка заклікае абараняцца ад амэрыканізацыі і па-славянску бяжыць на лыжах 11:12, 02/02/2001
Аляксандр Лукашэнка прад`явіў да творчай інтэлігенцыі патрабаваньне павысіць якасьцьпрацы, больш актыўна супрацьстаяць прапагандзе жорсткасьці, бездухоўнасьці, гвалту і парнаграфіі. Выступаючы ў Палацы рэспублікі 1 лютага на сустрэчы з творчай інтэлігенцыяй, кіраўнік дзяржавы заявіў: "Актыўная і плённая праца гуманітарнай навукі і мастацтваўзнаўства дапаможа супрацьстаяць разбуральным працэсам навязваньня сьвету адзіных стандартаў масавай эрзац-культуры, нівеліраваньня, дэградацыі і выраджэньня мастацтва, дазволіць абараніць культурную спадчыну і сучаснае духоўнае багацьце ўсёй славянскай цывілізацыі ад агрэсіўнага ўзьдзеяньня глябалізацыі, а дакладней - ад амэрыканізацыі".
А заўтра Лукашэнка ў чарговы раз наладжвае спартовае сьвята. Традыцыйна на лыжню выйдуць Аляксандр Лукашэнка, кіраўніцтва Адміністрацыі прэзыдэнта, прадстаўнікі Савету міністраў і "нацыянальнага сходу". Адметнасьцю лыжных стартаў гэтага года стане ўдзел у іх абласных дэлегацыяў на чале са старшынямі аблвыканкамаў. Кожная вобласьць мусіць даслаць ня меньш як 20 чыноўнікаў-лыжнікаў.
Першымі на асноўную дыстанцыю ў 5 кілометраў выйдуць спартоўцы-вайскоўцы, пасьля з пятнаццаціхвіліннымі інтэрваламі будуць абвешчаныя старты для старэйшых школьнікаў, навучэнцаў ПТВ, студэнцтва, прадстаўнікоў працоўных калектываў і ўрэшце усіх жадаючых.
Апоўдні трасу вызваляць для мацнейшых лыжнікаў Беларусі. Спартоўцаў з вядомымі хаця б у маштабах Эўропы імёнамі сярод іх не будзе. Апошнім абвесьцяць старт для беларускага прэзыдэнта, які пабяжыць ў атачэньні студэнтаў Акадэміі фізічнага выхаваньня і спорту. Мяркуецца і лыжная эстафета, у якой будуць спаборнічаць каманды розных катэгорыяў дзяржаўнага чыноўніцтва.
