Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У дзень псыхічнага здароўя ў Барысаве праводзяць допыты па справе аб паклёпе Лукашэнка 11:12, 07/02/2001
Першы допыт абвінавачанага ў паклёпе на Лукашэнку барысаўскага актывіста апазыцыі Аляксандра Абрамовіча прашоў у пракуратуры 7 лютага. Падчас допыту так і ня высьветлелася, у чым жа ж віна Абрамовіча - у правядзеньні пікету з патрабаваньнем псыхіятрычнага абсьледаваньня Лукашэнкі, у самім патрабаваньні абсьледаваньня і так далей. Другі абвінавачаны па гэтай справе --Ясюк - наогул адмовілася ісьці на допыт, бо палічыла, што справа ўзбуджана незаконна і без усялякіх падставаў.
А ўчора ў адмінітрацыйным парадку былі пакараныя двое ўдзельнікаў пікетаваньня - 16-гадовы Зьміцер Кузьняцоў і ягоны 14-гадовы брат Міхась. Камісія па правах непаўналетніх у главе з намесьнікам старшыні Барысаўскага гарвыканкаму Шутко В.Н. пакарла іх бацьку Кузьняцова С.І.штрафам у памеры двух мінімальных заробкаў, па адным на кожнага. За Міхася бацька пакараны згодна з артыкулам 162 КоАп РБ "Адсутнасьць патрэбнага выхаваньня сваіх непаўналетніх дзяцей". За Зьміцера Кузняцоў атрымаў штраф згодна пункту 17 палажэньня аб Камісіі па справах непаўналетніх пад назовам "Учыненьне непаўналетнім парушэньня".
, iнформэр
