Сьвятаслаў Тапеха, генэральны дырэктар ААА "Медиа Сервис Арт", што адказвае за разьмяшчэньне рэклямы ў беларускім эфіры расейскай тэлекампаніі НТВ, ня бачыць пакуль у дзеяньнях беларускага тэлебачаньня, якое пачало перакрываць НТВ-эшны эфір сваёй рэклямаю, палітычныя падаплёкі. "Спадзяюся, справа толькі ў недасьведчанасьці беларускага кіраўніцтва адносна дэталяў нашага супрацоўніцтва" - такую заяву зрабіў ўчора Тапеха на прэс-канферэнцыі ў Менску. Тапеха наведаў нашую сталіцу. каб паспрабаваць урэгуляваць канфлікт, які разгарэўся вакол вяшчаньня НТВ на Беларусь.

---

Дэлегацыя Эўразьвязу начала працу ў Менску 8 лютага. Яе складаюць прадстаўнікі трох краінаў: Швэцыі, якая старшынюе ў Эўразьвязе сёлета, Францыі, якая старшынявала летась, і Партугаліі, якая будзе ўзначальваць Эўразьвяз у наступным годзе. Дэлегацыя будзе ў Менску 8 і 9 лютага. Цягам гэтага часу яна правядзе шэраг сустрэчаў з прадстаўнікамі афіцыйных уладаў, палітычнай апазыцыі і няўрадавых арганізацыяў.

---

Шэраг замежных і міжнародных прафцэнтраў патрабуюць ад беларускіх уладаў спыніць антыпрафсаюзную кампанію, разьвязаную напярэдадні масавай акцыі пратэсту "Заробак - на ўзровень коштаў!", запланаванай у Мінску на 14 лютага.

---

Дырэктар FM-станцыі "Стыль" Таццяна Мартынава затрымана на 10 сутак без прад`яўленьня абвінавачаньня і знаходзіцца ў сьледчым ізалятары ГУУС Мінгарвыканкаму. Як стала вядома БелаПАН, яшчэ 3 лютага Мартынава была дастаўлена ў пракуратуру Цэнтральнага раёну, якая вядзе расьсьледаваньне крымінальнай справы аб атрыманьні кіраўніцтвам радыёстанцыі "Стыль" хабару ў буйных памерах (артыкул 430 частка 2 Крымінальнага кодэксу) нібыта за ільготнае разьмяшчэньне рэклямы. Паводле некаторых зьвестак, сума хабару складае 1.700 даляраў ЗША.

---