Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Свой пункт гледжаньня адносна невіноўнасьці сына Аляксандра, што быў арыштаваны па падазрэньні ў крымінальным злачынстве, экс-прам`ер Беларусі Міхаіл чыгір падцьвердзіў на прэс-канферэнцыі 12 лютага. Ён таксама раскрыў падрабязнасьці абвінавачваньня.
Беларуская рэгіянальная і некаторая сталічная прэса акцэнтуе ў гэтыя дні ўвагу сваіх чытачоў на зьяўленьні на сценах дамоў у гарадах Беларусі таемных графіці і налепак. Словам "ЗУБР" пакрытыя сьцены дамоў практычна ва ўсіх раёнах Менску, Брэста, Гародні, шматлікіх мястэчках. Налепкі з лагатыпам "Зубра" й партрэтамі гістарычных персанажаў зьявіліся ў ВНУ, метро і іншых месцах.
Буйное грамадзкае аб`яднаньне Гомельскай вобласьці выступіла 12 лютага з заявай пра тое, што ўлады аказваюць ціск на гэтую арганізацыю. Прычыны ціску, вядома, у палітыцы. Так, старшыня "Гражданских инициатив" Віктар Карніенка выступіў вядучым на мерапрыемстве, якое адбылося 16 студзеня ў Менску, калі некалькі дзесяткаў грамадзкіх арганізацыяў і рухаў падтрымалі кандыдатуру Сямёна Домаша на будучых прэзыдэнцкіх выбарах. Члены "Гродненских инициатив" таксама актыўна ўдзельнічалі ў выяўленьні фальсыфікацыяў на мінулых "парляманцкіх выбрах".
Сусьветная кампанія за свабоду слова ARTICLE-19 накіроўвае ў в "палату представителей" нацыянальнага сходу, якая хутка пачынае разгляд закону аб інфармацыйнай бясьпецы, сваё сьпецыяльнае заключэньне, у якім, у прыватнасьці, гаворыцца, што "прапанова законапраэкту Рэспублікі Беларусь "Аб інфармацыйнай бясьпецы" зьяўляецца спробай заглушыць апошнія апазыцыйныя галасы на Беларусі і пазбавіць грамадзкасьць яе асноўных правоў. Правядзеньне такога законапраэкту ў Закон будзе азначаць наступны кроак Беларусі ў супрацьлеглым накірунку ад стварэньня такіх умоваў, у якіх свабода выказваньня будзе квітнець, шляхам суровага абмежаваньня дзейнасьці СМІ і далейшага працягу працэсу выключэньня любых поглядаў, якія не адпавядаюць поглядам выканаўчай улады". Поўны тэкст заключэньня можна прачытаць у разьдзеле нашага сайту "ДАКУМЭНТЫ".
Па словах дырэктара Рэспубліканскага цэнтру па аздараўленьні й санаторна-курортным лячэньні насельніцтва Уладзімера Рыжанкова, у здраўніцах, якія маюць дачыненьне да веданьня Упраўленьня справамі прэзыдэнта, абноўлена практычна ўсё дыягнастычнае абсталяваньне. Пра гэта ён заявіў 8 лютага, выступаючы на прэс-канферэнцыі ў Нацыянальным прэс-цэнтры. Рыжанкоў зазначыў, што калі ў гэтых установах і існуе нейкае састарэлае медыцынскае абсталяваньне, то працэнт яго даволі невялікі.
43 адсоткі калгасаў Гарадзенскай вобласьці маюць затрымкi па выплаце сваiм працаўнiкам заработнай платы. Агульная запазычанасьць па зарплаце на Гарадзеншчыне па ўсiх галiнах народнай гаспадаркi з пачатку 2001 года павялiчылася на 416 мiльёнаў рублёў i склала 807,5 мiльёны. Асноўная частка - 88,5 адсоткі ад усёй сумы запазычанасьцi - прыпадае на прадпрыемствы сельскагаспадарчай вытворчасьцi; прамысловыя прадпрыемствы маюць запазычанасьць 5,1адсоткі. 27 тысяч жыхароў вобласьцi цалкам альбо часткова не атрымалi заработную плату ячшэ за сьнежань 2000 года; 24,7 тысячы з iх працуюць у сельскай гаспадарцы.
Аляксандр Чыгір, сын былога прам`ер-міністра Беларусі, вядомага апазыцыйнага палітыка Міхаіла Чыгіра быў арыштаваны вечарам 10 лютага ў Менску. Затрыманьне Аляксандра Чыгіра й двух яго таварышаў - Васіля Быкава й Сяргея Каляды - з якімі ён займаецца бізнэсам, адбылося на аўтарынку ў мікрараёне Малінаўка. Усе трое былі зьмешчаны ў ва УУС Маскоўскага раёну. Маладыя людзі затрыманыя нібыта па падазрэньні ва ўчыненьні крымінальнага злачынства - міліцыя знайшла ў боксе, які яны арандавалі, запчастки выкрадзенага ў Менску аўтамабіля. Затрыманыя катэгарычна адмаўляюць сваю віну.
11 лютага споўнілася 3 гады са дня арышту дэпутата Вярхоўнага Савету Беларусі 13-га скліканьня, прадпрымальніка Андрэя Клімава. Клімаў выступаў за імпічмент прэзыдэнта Лукашэнкі, а таксама падвяргаў дзеяньні кіраўніка дзяржавы жорсткай крытыцы. Пасля роспуску в 1996 году парляманту дэпутат не адмовіўся ад палітычнай барадзьбы, зьяўляўся адным з актыўных дзеячаў апазыцыі. Яго арышт у лютым 1997 года зьяўляецца палітычнай акцыяй беларускага рэжыму. Андрэй Клімаў прызнаны Вязьнем Сумленьня.
936 рублёў сабрана ў Гародні на прыжыцьцёвы помнiк Лукашэнку. Грошы зьбiралiся падчас пiкету-перфомансу, што праводзiла 10 лютага Святлана Нех пад лёзунгам "Падтрымаем прэзыдэнта!"
Беларуская апазыцыйная маладзёвая арганізацыя "Малады фронт" накіравала 10 лютага зварот генэральнаму пракурору Польшчы Леху Качынскаму, дырэктару Савету па справах бежанцаў Адаму Бернатовічу і ў міністэрства ўнутраных справаў гэтай краіны ў сувязі з затрыманьнем напярэдадні ў Беластоку грамадзяніна Беларусі Андрэя Жукаўца, якога аб`явілі членам МФ.
Надзвычай жорстка адрэагавала кiраўнiцтва берасьцейскай вэртыкалi на візыт у Берасьце Сямёна Домаша. 3 лютага прайшла ягоная сустрэча з грамадзкасьцю гораду, якая вельмі зацiкавіла мясцовых жыхароў. Актавая заля берасьцейскага клюбу, які належыць Беларускаму таварыству глухiх, не змагла прыняць усiх, хто жадаў наведаць сустрэчу з палiтыкам, якi ўжо абвесьцiў пра свой намер змагацца за прэзыдэнцкую пасаду. Пасьля мерапрыемства дырэктарку клюбу прымусiлi пайсьцi са сваёй пасады.
Пытаньні падрыхтоўкі мерапрыемстваў, прысьвечаных 5-ай гадавіне "аб`яднаньня Беларусі й Расеі" у рамках "саюзу" двух рэжымаў. абмяркоўваліся на паседжаньні актыву "саюзнай грамадзянскай палаты", што абылося 8 лютага. Далей паведамленьне дзяржаўнага агенцтва прыводзіцца без купюраў: "Предполагается, что мероприятиями по поводу пятилетия белорусско-российского единения будут охвачены большие слои общества двух государств. Одним из главных станет форум сторонников Союзного государства, проведение которого планируется в белорусской столице. Среди перечня мероприятий - российско-белорусская неделя боевого братства, научно-практическая конференция по вопросам экономической интеграции Беларуси и России, международная молодежная конференция "Роль молодежи в строительстве Союзного государства", белорусско-российский форум детей. Предполагается провести международный турнир по каратэ "Славянский щит", торжественные собрания общественности, посвященные дню единения. Кроме того, будут изданы почтовые открытки и бланки художественных телеграмм с символикой Союзного государства".
Сярод эмігрантаў, што выязжаюць у краіны Эўропы на сталае месца жыхарства з краінаў былога СССР, становіцца модным і выгадным называцца беларусамі.Справа ў беларускім рэжыме, які лічыцца дыктатарскім і таму атрыманьне палітычнага прытулку на Захадзе амаль гарантуецца. Калі ж хто прыехаў з Расіі ці Ўкраіны, то прытулак даецца вельмі цяжка. Таму, па паведамленьні крыніцы прэс-цэнтра Хартыі ў Вялікабрытаніі, хто больш-меньш ведае такую справу, мае з сабой альбо павестку ад "роднай беларуской міліцыі" ці якія іншыя доказы. Кожнаму трэба будзе даказваць, што ён меў канфлікт з рэжымам.
Былы дырэктар "Стыль Радыё" Тацяна Мартынава была вызвалена ўвечар 9 лютага з-пад варты. Са сьледчага ізалятару ГУУС Мінгарвыканкаму, дзе Мартынава ўтрымлівалася каля тыдня, яна была дастаўлена ў пракуратуру і з ёю былі праведзены некалькі вочных ставак. Затым яе адпусьцілі без абраньня якой-небудзь меры стрыманьня. Мартынава была затрымана 3 лютага, аднак абвінавачаньня ёй так і не прад`явілі. Яе намесьнік Тарыэл Майсурадзе ўзяты пад варту 26 студзеня. Ён і начальнік рэклямнага адзьдзелу FM-станцыі Тэмуры Бунтуры, які знаходзіцца пад падпіскай аб нявыездзе, абвінавачваюцца ў атрыманьні хабару ў памеры 1.700 даляраў ЗША за прадастаўленьне ільготаў пры размяшчэньні рэклямы.
Такое рашэньне прыняў беларускі ўрад 7 лютага. Перамовы пра ўвядзеньне Менскам экспартных пошлінаў працягваліся больш за год. Былыя экспартныя пошліны на Беларусі павышаюцца ў два разы. Паводле інфармацыі рускай газэты "Время новостей", з 1 сакавіка за вываз тоны сырой нафты прыдзецца плаціць ня 20 эўра, як было раней, а 48 эўра. Пошліна на дызельнае паліва складзе 39 эўра, пошліны на ўвоз мазуты - 31 эўра. Увядзеньне Беларусьсю расейскіх экспартных пошлінаў на нафту было адным з галоўных умоваў уніфікацыі мытнага заканадаўства. Па ацэнках расейскага Мінфіну, праз розьніцу ў мытных пошлінах расейскі бюджэт губляў на беларускім экспарце нафты ад 70 да 100 мільёнаў даляраў у год.
, iнформэр
