Імёны чатырох маладых людзей, што абвінавачваюцца ў надпісах на сьценах Менску слова "ЗУБР" былі агучаныя ўчора ўвечары. Журналісты даведаліся пра іх праз электронную пошту.

---

"Сегодня говорят, Александр Иосифович, что ты мог бы еще жить. Это неправда - мы же это с тобой хорошо знаем, ты себя сжег, отдал тело людям, с которыми жил и работал", - сказаў на жалобным мітынгу ў Гародне Аляксандар Лукашэнка. А вы гатовыя памерці за каго-небудзь, напрыклад, за прэзыдэнта? Вось што казалі людзі, якіх апытала "Белорусская газета". Вынікі вельмі цікавыя:
Супрацоўнік міліцыі, што пажадаў застаца неназваным:
-Павінен быць гатовым. Гэта мая служба. Але, па праўдзе кажучы, вельмі б не хацелася

---

Судовы працэс над былым рэктарам Гомельскага медінстытуту, сусьветна вядомым прафесарам Юры Бандажэўскім быў адкладзены учора на 19 лютага.

---

Намесьнік старшыні выканкаму Ваўкавыскага раёну Курылік надрукаваў на днях распараджэньне, у якім загадаў кіраўніцтву вучэбных установаў раёну змагацца з апазыцыяй. У нашыя рукі гэты дакумант трапіў у поўным выглядзе. Вось, напрыклад, цытата: "На падставе вышэйзгаданага лічым неабходным адміністрацыям вучэбных установаў праводзіць працу па недапушчэньні стварэньня філіялаў апазыцыйных партыяў і грамадзкіх арганізацыяў, народных універсітэтаў, правядзеньне сэмінараў, сустрэч зь лідарамі апазыцыі ў вучэбных установах".

---

Члены беларускага "парляманту" рэзка негатыўна аднесьліся да амэрыканскага кангрэсмэна Робэрта Бара ўнесьці законапраэкт, што дазваляў "фізычную ліквідацыю лідараў замежных дзяржаваў і вядомых злачынцаў". Як ужо паведамлялася, сярод асобаў, што падлягаюць ліквідацыі, нібыта называецца вядомы тэрарыст Усама бэн Ладэн, экс-прэзыдэнт СРЮ Слабадан Мілошавіч і глава Беларусі Аляксандар Лукашэнка.

---