Гомельскі працэс па "справе Бандажэўскага" адкладзены :: Хартыя'97 :: Навiны

Судовы працэс над былым рэктарам Гомельскага медінстытуту, сусьветна вядомым прафесарам Юры Бандажэўскім быў адкладзены учора на 19 лютага.

Прычынай пераносу паседжання стала пагаршэньне яшчэ аднаго фігуранта па справе - Уладзімра Раўкова, былога прарэктара Гомельскага медінстытуту. Раўкоў чакаў суду ў Гомельскім СІЗА ва ўмовах, што пагражалі яго здароўю. Уладзімер Раўкоў правёў ва ўмовах ізаляцыі поўных 19 месяцаў і па-ранейшаму застаецца адзіным абвінавачаным па дадзенай справе, які ўтрымоўваецца ў сьледчым ізалятары.

Усяго на лаве падсудных - 8 чалавек. У ліку абвінавачаных таксама фігуруюць члены экзамінацыйных камісіяў па хіміі, біялёгіі і беларускай мове. Былое кіраўніцтва вну абвінавачваецца ў атрыманьні хабару й злоўжваньні службовым становішчам, а члены камісіяў - у хабарніцтве і пасрэдніцтве пры ім. У якасьці падсуднай па справе праходзіць маці адной з абітурыентак, якая прыцягваецца за дачу хабару. Жанчына сябе вінаватай не вызнае.

Як заявіў БелаПАН прадстаўнік Юры Бандажэўскага, адвакат Гары Паганяйла, доказы, прадстаўленыя сьледзтвам, якое вяла Пракуратура Беларусі, вельмі хісткія і недастатковыя для вынясеньня абвінавачванага прысуду. Аналягічнага меркаваньня адносна свайго падабароннага Уладзімера Раўкова пратрымліваецца ягоны адвакат Зьміцер Іванішка.