ЗША заклікаюць беларускія ўлады правесьці свабодныя дэмакратычныя выбары :: Хартыя'97 :: Навiны

Амбасадар Злучаных Штатаў пра Пастянным Савеце АБСЭ ў Вене Дэвід Джонсан зрабіў 16 лютага заяву, у якой ён заклікаў беларускія ўлады забясьпечыць свабоднае волевыяўленьне народа на будучых прэзыдэнцкіх выбарах:

Хто пераможа на выбарах, у выпадку калі яны будуць праведзеныя ў адпаведнасьці з патрабаваньнямі АБСЭ? Як заўважыў амбасадар Вік, гэта маюць права вырашаць толькі сам беларускі народ шляхам свабоднага й справядлівага галасаваньня.

Вынікі апытаньня грамадзкай думкі паказваюць, што менавіта гэтага й хоча народ Беларусі. Ён хоча выбраць свайго наступнага прэзыдэнта на свабодных і справядлівых парляманцкіх выбарах, якія б былі прызнанымі міжнароднай супольнасьцю.

У гэтым выпадку Злучаныя Штаты й іншыя краіны прызнаюць легітымнасьць таго, хто зможа перамагчы ў свабоднай і роўнай барадзьбе. Мы заклікаем беларускія ўлады стварыць усе неабходныя ўмовы для правядзеньня сапраўды свабодных і справядлівых выбараў з наступным прызнаньнем іх вынікаў. Гэта ўключае, акрамя таго, выкананьне чатырох крытэрыяў Тройкі АБСЭ. Дадзеныя крытэрыі знаходзяцца ў поўнай адпаведнасьці з тымі абавязацельствамі, якія ўзяла на сябе Беларусь перад АБСЭ. Дасягненьне гэтай мэты, аднак, патрабуе цеснага супрацоўніцтва з Кансультатыўна-Назіральнае Групаю АБСЭ і БДІПЧ.

Для таго, каб заняць сваё месца сярод іншых дэмакратычных дзяржаваў Эўра-Атлантычнага рагіёну, беларускаму ўраду неабходна спыніць перасьлед палітычных апанентаў, даць справаздачу па справах зьнікненьня, выпусьціць палітвязьняў, паважаць свабоду сходаў і првы рабочых, прадставіць апазыцыі доступ да дзяржаўных СМІ, прыняць выбарчае заканадаўства, якое адказвала б дэмакратычным патрабаваньням. На мінулым тыдні Злучаныя Штаты і іншыя краіны віталі вызваленьне з-пад утрыманьня дэпутатат Вярхоўнага Савету 13-га скліканьня Уладзімера Кудзінава. Дадзены факт сьведчыць пра магчымасьць ўладаў пакласьці пачатак захаваньня ўмоваў, неабходных для правядзеньня свабодных і справядлівых выбараў. Мы чакаем ад ураду Беларусі аналягічных учынкаў у хуткім часе, з тым, каб магчымасьць не была страчана.