Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка зьбірае 2-і ўсебеларускі сход у сваю падтрымку 11:04, 19/02/2001
Аляксандр Лукашэнка 16 лютага падпісаў указ аб скліканьні 2-га Усебеларускага народнага сходу. Сход заплянаваны на 18 траўня 2001 года. У ім прымуць удзел 2 500 чалавек, якія, па меркаваньні ўладаў, прывязуць падтрымку з усіх рэгіёнаў. Афіцыйная прычына скліканьня сходу - абмеркаваньне пытаньня аб Праграме сацыяльна-эканамічнага развіцьця Беларусі на 2001 - 2005 гг.
Указам вызначаны склад Рэспубліканскага арганізацыйнага камітэту па падрыхтоўцы і правядзеньні 2-га ўсебеларускага народнага сходу. Сустаршынямі камітэту прызначаны прам`ер-міністар рэспублікі Ярмошын і кіраўнік Адміністрацыі прэзыдэнта Мясьніковіч; намесьнікамі сустаршыняў - першы намесьнік кіраўніка Адміністрацыі прэзыдэнта Замяталін і намесьнік прам`ер-міністра Дзямчук.
Першы такога пляну сход адбыўся ў Менску ў кастрычніку 1996 года, напярэдадні рэферэндуму, які замацаваў неабмежаваныя паўнамоцтвы Лукашэнкі як прэзыдэнта. Тады сход, натуральна, падтрымаў і рэферэндум і зьмены ў Канстытуцыю.
, iнформэр
