"Віцязь" чакаюць скарачэньня :: Хартыя'97 :: Навiны

На пачатку сакавіка найбуйное прамысловае прадпрыемства Віцебску, вытворчае аб`яднаньне "Віцязь", мае намер адзначаць свой 25-гадовы юбілей. Аднак у гэтыя дні на прадпрыемстве не відаць перадсьвяточнай мітусьні - у хуткім часе, гледзячы на ўсё, на "Віцязе" чакаецца скарачэньне значнай колькасьці персаналу. Сёньня "Віцязю" не па сілах утрымліваць шматтысячную армію работнікаў.

Справа ў тым, што прадпрыемства ў свой час арыентавалася на выпуск штогод двухсот тэлевізійных прыёмнікаў. Са сваімі абавязкамі прадпрыемства спраўляецца, але…Расейскія канкурэнты "Віцязю" з колькасьцю супрацоўнікаў сабіраюць па 300-350 прыёмнікаў у год. Ня цяжка здагадацца, сабекошт (а адпаведна, і канкурэнтназдольнасьць) чыёй прадукцыі вышэй.

Нямала праблемаў "Віцязю" стварылі й вытворцы тэлевізійнай тэхнікі замежных кампаніяў. Уласна кажучы, нават не яны самі, колькі гандляры імпартнымі тэлевізарамі, якія ўмеюць увозіць прыёмнікі, праз мытныя пошліны. У выніку на рынак выкідваецца значная колькасьць тэлевізараў вядучых фірмаў сьвету з несупаставімымі ў параўнаньні зь "Віцезям" якасьцю і па кошце, зь якім "Віцязю" цяжка канкураваць.

"Витязь" спрабуе выйсьці з прарыву самастойна. Вырабляючы, напрыклад, не толькі тэлевізары, але й медтэхніку, мэблю, абсталяваньне для пажарных… Аднак усё гэта, на жаль, не здымае праблемы. І сёньня прадпрыемства падыйшло да такой мяжы, калі яно мае намер заставацца на плаву, яно абавязана рэзка зьнізіць вытворчыя выдаткі. У тым ліку - скараціць колькасьць персаналу.