Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Злучаныя Штаты Амэрыкі працягваюць прызнаваць Вярхоўны Савет Беларусі 13-га скліканьня легітымным беларускім парлямантам, заявіў у інтэрв`ю беларускай службе Радыё Свабода 23 лютага Надвычайны і Паўнамоцны Амбасадар ЗША ў Беларусі Майкл Козак, які напярэдадні ўручыў Аляксандру Лукашэнку даверчыя граматы. Паводле словаў амбасадара, нават калі тэрмін паўнамоцтваў Вярхоўнага Савета падыйшоў да канца ён лічыцца легітымным, "пакуль яго месца не зойме парлямант, абраны ў рамках Канстытуцыі".
У 2010 годзе насельніцтва Беларусі паменьшыцца прыкладна на 2 мільёны і складзе каля 8 мільёнаў чалавек - такі прагноз зрабілі спэцыялісты Цэнтру сацыяльных праблемаў Інстытуту сацыяльна-палітычных дасьледаваньняў пры Адміністрацыі прэзыдэнта Беларусі.
Чарговы штогадовы даклад Дзяржаўнага дэпартамэнту ЗША ў справе правоў чалавека будзе апублікаваны сёньня. Як і ў апошнія некалькі гадоў, значнае месца ў ім прысьвечанае парушэньням правоў чалавека ў Беларусі. Першы дакляд па правох чалавека быў прадастаўлены ў 1976 годзе. Дакляд ахопліваў тады 82 краіны. Дакляд за мінулы год ахоплівае ўжо 194 краіны.
Судовы працэс над былым рэктарам Гомельскага медычнага інстытуту прафесарам Юры Бандажэўскім і іншымі абвінавачанымі ў хабарніцтве супрацоўнікамі гэтага ВУЗу працягваецца 26 лютага ў Гомлі пасьля амаль тыднёвага перапынку.
"Беларусь - краіна невядомая" - артыкул пад такой назвай апублікаваны 25 лютага ў славацкім штотыднёвіку "Дамінофорум". Яго аўтары - двое маладых журналістаў, якія нядаўна наведалі Беларусь. Яны, у прыватнасьці, адзначаюць, што Беларусь мае адну з самых жорсткіх сыстэм нагляду і падліку колькасьці замежнікаў на сваёй тэрыторыі.
23 лютага першы міністар абароны Рэспублікі Беларусь генэрал-палкоўнік запасу Павел Казлоўскі аб`явіў пра тое, што ён выставіць сваю кандыдатуру ў якасьці кандыдата ў прэзыдэнты на выбарах кіраўніка беларускай дзяржавы. Сваё рашэньне ён матываваў тым, што больш не можа мірыцца з існуючым становішчам у беларускай арміі, калі яе патрэбы, патрэбы яе афіцэраў, прапаршчыкаў, ваеннаслужачых кантрактнай службы ігнаруюцца поўнасьцю.
У суботу ў Бялградзе арыштаваны былы начальнік Службы дзяржаўнай бясьпекі Радзе Маркавіч, паведамляе югаслаўсаке радыё. З 1992 Радзе Маркавіч быў найблізкім паплечнікам былога прэзыдэнта Югаславіі Слабадана Мілошавіча. Ён выконваў абавязкі начальніка Службы дзяржбясьпекі да 25 студзеня гэтага года.
"Непростая общественно-политическая обстановка в мире заставляет Белоруссию придавать большое значение вопросам поддержания в боеготовности национальную армию", сказаў Аляксандар Лукашэнка. Сыходзячы з гэтага, Беларусь мае намер і надалей нарошчваць ваеннае супрацоўніцтва з "союзным российским государством", - заявіў ён, - "Мы готовы к сотрудничеству со всеми странами мира. Но к сотрудничеству равноправному. Разговаривать же с нами с позиции силы, языком шантажа и угроз - не позволим никому!"
У Маскве будзе працаваць прадстаўнік Садама Хесэйна, якому прызначана весьці перамовы адносна набыцьця ўзбраеньняў для сыстэмы паветранай абароны Іраку. Садам Хусэйн загадаў істотна пашырыць амбасады Іраку ў Раесі й Беларусі і прызначыў аднаго з высокапастаўленых чыноўнікаў узначаліць новую разьведавацельную структуру ў Маскве, - паведамляе Daily Telegraph. Гэтае прызначэньне трымаецца ў сакрэце, бо гэтаму чалавеку трэба весьці перамовы з Расеяй аб зброі. Брыг Саадзі Мохамед Субхі зьяўляецца бюро, што складаецца з дваццаці чалавек пры амбасадзе паветранай абароны. Ён таксама член правячай партыі Баас і былы афіцэр разьведкі.
Поўная забарона рэклямы, зьвязанай з паленьнем, прадугледжвае праэкт указа прэзыдэнта краіны, які знаходзіцца зараз на разледжаньні ў Савеце міністраў. Як паведаміў 23 лютага журналістам галоўны ўрач Рэспубліканскага цэнтра здароўя Андрэй Секач, гэты дакумант прадугледжвае і шэраг іншых жорсткіх мераў.
, iнформэр
