Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі адна з самых жорсткіх сыстэмаў нагляду за замежнікамі 11:06, 26/02/2001
"Беларусь - краіна невядомая" - артыкул пад такой назвай апублікаваны 25 лютага ў славацкім штотыднёвіку "Дамінофорум". Яго аўтары - двое маладых журналістаў, якія нядаўна наведалі Беларусь. Яны, у прыватнасьці, адзначаюць, што Беларусь мае адну з самых жорсткіх сыстэм нагляду і падліку колькасьці замежнікаў на сваёй тэрыторыі.
"На працягу трох працоўных дзён мы былі абавязаныя зарэгістравацца ў бліжэйшым міліцэйскім адзьдзяленьні, запоўніць шмат фармуляраў і паставіць штамп у пашпарт з датаю рэгістрацыі. Уся гэтая працэдура падоўжваецца мясцовымі бюракратамі настолькі, што часам ускладняецца нават ад`езд зь Беларусі", - гаворыцца ў артыкуле.
Тое, што з замежных грамадзянаў за гэтую працэдуру яшчэ і бяруць грошы, журналісты тлумачаць тым, што беларуская дзяржава вельмі бедная:
На вуліцах трапляе на вочы галеча, шырокія праспекты напалову запоўненыя старымі аўтамабілямі нямецкай вытворчасьці, кожны дзень растуць кошты на самыя неабходныя тавары...
Маладых славацкіх журналістаў зьдзівіў і той факт, што многія вуліцы беларускіх гарадоў названыя ў гонар "заснавальніка ЧК, масавага забойцы Фелікса Дзяржынскага":
На некаторых дамах нават павешаныя памятныя дошкі. На Беларусі і далей пануе дух таталітарызму мадыфікаванага камунізму без вызначанай ідэалогіі і з цэнтралізаванай эканомікай.
, iнформэр
