Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускае тэлебачаньне ня пусьціла "Дабермана" на НТВ 11:02, 27/02/2001, Радыё "Свабода"
Беларускія ўлады зноў умяшаліся ў эфірную палітыку расейскага тэлеканалу НТВ. У нядзелю ўвечары на тэрыторыі Беларусі спынілі трансьляцыю па гэтым канале французскага мастацкага фільму "Дабэрман". Некалькі дзён запар па НТВ дэманстравалі ўрыўкі з гэтага фільму пра нахабнага рабаўніка па мянушцы "Дабэрман", на якога палюе жорсткі паліцыянт. Але, калі надышоў час дэманстрацыі фільму, замест "Дабэрману" беларускія гледачы ўбачылі запіс забаўляльнай праграмы КВН, якую звычайна паказвае іншы расейскі канал - ГРТ.
Бягучы радок на экране паведамляў гледачам: "Абвешчаны ў праграме мастацкі фільм "Дабэрман" забаронена паказваць на тэрыторыі Рэспублікі Беларусі паводле рашэньня Рэспубліканскай экспэртнай камісіі па прадухіленьні прапаганды парнаграфіі, гвалту й жорсткасьці".
Гэтая экспэртная грамадзкая камісія дзейнічае пры Міністэрстве культуры Беларусі з 1992 году й дае дзяржаўным структурам свае высновы наконт шкоднасьці таго ці іншага фільму для грамадзкай маралі. (У чорны сьпіс экспэртнай камісіі ўжо трапілі 27 фільмаў.)
Дырэктар эфірнага вяшчаньня тэлеканалу НТВ Алег Тачылін так пракаментаваў гэты выпадак:
(Тачылін: ) "Я ўсё ж такі думаю, што гэта зьвязана са справай самавольнага захопу беларускімі ўладамі нашага рэклямнага часу. Думаю, што шукаюць падставаў, каб і фільмы нашы здымаць з той жа прычыны".
, iнформэр
