Беларускія ўлады "кінулі" рускіх калегаў пасьля атрыманьня стабілізацыйнага крэдыту :: Хартыя'97 :: Навiны

Пытаньне пра статус, задачы і функцыі адзінага Эмісійнага цэнтру "саюзнай дзяржавы Беларусі й Расеі" не вырашаны ў сувязі з рознымі пазыцыямі бакоў, заявіў учора першы намесьнік стршыні праўленьня Нацбанку Беларусі Павал Калаур.

На чарговым паседжаньні па пытаньнях аб`яднаньня дзьвюх грашовых сыстэмаў у рамках інтэграцыі, якія праводзяць сёньняшні ўрад дзьвюх краінаў, узьнікла спрэчка - які ворган будзе выкарыстоўвацца ў якасьці эмісійнага цэнтру. Беларускі бок прапаноўвала стварыць новы адзіны цэнтар, а расейская - выкарыстоўваць у такой якасьці Цэнтрабанк.

Як адзначыў Павал Калаур, калі па пытаньні адзінага эмісійнага цэнтру не будзе дасягнуты кансэнсус, Беларусь мае ўсе падставы для адмовы ад выкарыстаньня расейскага рубля ў якасьці адзінага пляцёжнааг сродку напрацягу трохгадовага пераходнага перыяду як гэта прадугледжана пагадненьнем.

Такая пазыцыя беларусаў зьдзівіла расіянаў - стварэньне эмісійнага цэнтру на аснове Цэнтрабанку Расеі было закладзена ў дамове, падпісанай абодвума бакамі. Гэтым пагадненьнем прадугледжваецца, што з 2005-га па 2008 год функцыю адзінай беларуска-расейскай валюты будзе выконваць расейскі рубель, які будзе ўведзены ў абарот і на тэрыторыі Беларусі.

Зараз, атрымаўшы ад Расеі й частку крэдыту на стабілізацыю "зайца" (размова йшла пра суму 200 млн. даляраў і 4,5 млрд. рублёў), беларускі ўрад дае зваротны ход і адмаўляецца ад умоваў дамовы. Дарэчы, аддаваць крэдыты сёньняшнія ўлады таксама не прывыклі. Так што Расея зноў сутыкнулася з простым фактам выдачы невернутага крэдыту неабавязацельнаму даўжніку.