Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За нявыплату заробку ў Брэсьце могуць звольніць двух чыноўнікаў 11:09, 28/02/2001
Па рашэнюні кіраўніцтва Брэсцкага аблвыканкаму двум чыноўнікам абласнога камітэту па сельскай гаспадарцы і харчаваньню аб`яўленыя вымовы з наступным разглядам пытаньня аб іх адпаведнасьці займаемым пасадам.
Паводле зьвестак БелаПАН, на пасяджэньні аблвыканкаму 26 лютага прыводзіліся прыклады, якія сьведчылі пра тое, што зімоўка жывёлы ў калгасах і саўгасах вобласьці прайшла горш, чым чакалася: зьнізілася пагалоўе, дрэнна наладжана праца па аднаўленьні статка, слабая дысцыпліна сярод кіруючых кадраў. Размова йшла, у прыватнасьці, аб гаспадарках Брэсцкага, Ганцавіцкага і Маларыцкага раёнаў. У выніку старшыні абласнога камітэту па сельскай гаспадарцы і харчаваньню Якаву Бухавецкаму і яго намесьніку Пятру Сухоцкаму ўказана на неналежны кантроль за выкананьнем рашэньняў улад, а двум намесьнікам - Аляксею Трацюку і Уладзіміру Мілашэўскаму - аб`яўленыя вымовы.
На пасяджэньні прынята рашэньне актывізаваць працу ў жывёлагадоўлі - павялічыць вытворчасьць малака і мяса на 10 адсоткаў у параўнаньні з адпаведным перыядам 2000 года, а да 1 красавіка аднавіць пагалоўе жывёлы.
, iнформэр
