Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Генэрал-кандыдат Казлоўскі пабываў на допыце ў пракуратуры 11:12, 28/02/2001
Беларуская вайсковая пракуратура сьцьвярджае: нядаўны допыт экс-міністра абароны Паўла Казлоўскага не зьвязаны зь ягонай палітычнай дзейнасьцю - Казлоўскі быў дапытаны ў якасьці сьведкі па крымінальнай справе, распачатай 5 лютага гэтага году. Паводле сьледчых пракуратуры, крымінальная справа заведзеная з прычыны матэрыяльнае шкоды на суму 175 тысяч даляраў, учыненай нямецкаю фірмай беларускаму танкарамонтнаму заводу: у Нямеччыну пасьля ліквідацыі ў Беларусі вайсковай тэхнікі быў пастаўлены мэталалом, ня поўнасьцю аплочаны дагэтуль. Дамову пастаўкі ў 1994 годзе падпісваў Павал Казлоўскі - на той час міністар абароны Беларусі. Павал Казлоўскі, аднак, заяўляе, што факт позвы ў пракуратуру па справе семігадовай даўніны зьяўляецца спробай уладнага ціску на яго як магчымага суперніка Аляксандра Лукашэнкі ў прэзыдэнцкіх выбарах, перадае радыё "Рацыя".
, iнформэр
