Базавыя тарыфы для абанентаў сеці GSM выросьлі на 20% :: Хартыя'97 :: Навiны

З 1 сакавіка СП "Мабільная лічбавая сувязь" упершыню за апошнія 12 месяцаў павышае базавыя тарыфы на паслугі сотавай тэлефоннай сеткі стандарта GSM. У прыватнасьці, штомесячная абаненцкая плата павышаецца на 27,5 адсоткі - з 13.480 да 17.200 рублёў для стандартнага тарыфнага пляну і з 22.440 да 28.600 рублёў для бізнэс-пляну.

Кошт хвіліны размовы з абанентамі фіксаванай сеткі ў межах Беларусі і мабільнай сеткі стандарту NMT (аператар - СП "Белсел") павялічыўся на 22,9-27,5 адсоткі - з 280 да 350 (стандартны плян) і з 200 да 255 рублёў (бізнэс-план) з 7 да 18 гадзінаў з панядзелка па пятніцу і з 240 ді 295 і са 160 ді 200 рублёў - у астатні час.

Кошт хвіліны размовы з абанентам сеткі GSM узрос на 19,2-27,3 адсоткі - з 220 да 280 (стандартны плян) і са 170 да 210 рублёў (бізнэс-плян) з 7 да 18 гадзін з панядзелка па пятніцу і са 180 да 225 і са 130 да 155 рублёў - у астатні час. Тарыфікацыя размоў адбываецца кожныя 12 секунд.

Кошт размовы ўладальніка фіксаванага тэлефона з абанентам сеткі GSM застаўся на ранейшым узроўні: 140 рублёў за хвіліну з 6 да 23 гадзін у працоўныя дні, 70 рублёў - з 23 да 6 гадзін у працоўныя дні, а таксама кругласутачна ў выхадныя і сьвяточныя дні. Звыш платы за размову бярэцца 5 адсоткаў ад яго кошту, а з прадпрыемстваў, установаў і арганізацыяў - яшчэ і ПДК у памеры 20 адсоткаў.