Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі прам`ер Ярмошын - за рускае піва 11:01, 02/03/2001
Мінск не мае намеру абмяжоўваць прысутнасьць расейскага піва ў Беларусі. Як паведамляе карэспандэнт РІА "Новости", прамьер-міністар Уладзімер Ярмошын абверг скаргу работнікаў найбуйнога ў краіне вытворцы піва ААТ "Крыніца" ў сувязі з узьніклай, на іх думку, канкурэнцыяй з боку расейскіх вытворцаў ячменнага напою.
На паседжаньні з прам`ерам беларускія півавары папрасілі Ярмошына прыняць меры, якія б абмяжоўвалі "хаця б часова" прысутнасьць расеянаў на беларускім рынку.
У адказ Ярмошын заявіў, што Беларусь "не мае намеру ўводзіць якіх-небудзь абмежаваньяў і закрываць мяжу з-за таго, што нейкі беларускі вытворца выпускае неякасную і неканкурэнтназдольную прадукцыю". "Няхай спаборнічаюць, выпускаюць лепшае й таньней", - заявіў Уладзімер Ярмошын.
Па выніках паседжаньня было прынята рашэньне ўвесьці на Беларусь свабодныя кошты на піва і адмяніць дзяржзаказ на піваваранны ячмень.
, iнформэр
