ЗУБР пратэстуе супраць зьнікненьня людзей :: Хартыя'97 :: Навiны

Тры дні таму міністар унутраных справаў Навумаў зьняважліва заявіў, што Юы Захаранка, Віктар Ганчар, Анатоль Красоўскі, Зьміцер Завацкі - усяго толькі чацьвёра зніклых чалавека, з тых 4-5 тысячаў зьніклых бяз зьвестак, якіх сёньня адшуквае МУС. Гэтая абыякавая заява Навумава заставіла сямёх адважных "зуброў" стаць ля Адмінітстрацыі прэзыдэнта з партрэтамі прапалых бяз зьвестак Юры Захаранкі, Віктара Ганчара, Анатоля Красоўскага й Зьміцера Завацкага. Маладыя людзі адразу прыцягнулі ўвагу "цэрбераў", што ахоўвалі Адміністрацыю. Да іх далучыліся супрацоўнікі РАУС Ленініскага раёну Менску.

Спачатку трох маладых людзей сілком завалаклі ў міліцэйскі "УАЗ" і адвезьлі ў Ленініскі РАУС, астатніх хлапцоў не далі зьвесьці журналісты, што абступілі іх шчыльным кальцом. Ім аб`явілі, што акцыя будзе працягнута заўтра ўдзень, у 13.45 на плошчы Свабоды.

Журналісты пасьпелі таксама атрымаць заяву:

Як некалі ў Лацінскай Амэрыцы, у Беларусі зьнікаюць людзі.

7 траўня 1999 года быў выкрадзены генэрал Юры Захаранка.

16 верасьня бясьсьледна зьніклі дэпутат Вярхоўнага Савету Віктар Ганчар і бізнэсмэн Анатоль Красоўскі.

7 ліпеня 2000 года зьнік Зьміцер Завацкі.

Нядаўна міністар унутраных справаў Навумаў зьняважліва заявіў, што Юры Захаранка, Віктар Ганчар, Анатоль Красоўскі, Зьміцер Завацкі - усяго толькі чатыры зьніклыя чалавекі з тых 4-5 тысячаў прапалых бяз зьвестак, якіх сёньня шукае МУС.

Але няцяжка прадбачыць рэакцыю Навумава ў тым выпадку, калі б гэтыя чацьвёра былі яго роднымі і блізкімі.

Мы яшчэ раз пытаемся ва ўладаў

ДЗЕ ЗАХАРАНКА?

ДЗЕ ГАНЧАР І КРАСОЎСКІ?

ДЗЕ ЗАВАЦКІ?

Гэтыя пытаньні мы будзем уздымаць да таго часу, пакуль людзям не адкрыецца праўда.

Мы патрабуем актыўнага і выніковага расьследваьння "гучных справаў", якія паставілі Беларусь у адзін шэраг з рэжымамі, кшталту піначэтаўскага.

Мы таксама зьвяртаемся да ўсіх, хто мае інфармацыю пра лёс Юры Захаранкі, Віктара Ганчара, Анатоля Красоўскага, Зьміцера Завацкага і іншых зьніклых людзей. Экс-старшыня КДБ Уладзімер Мацкевіч, экс-генэральны пракурор Алег Бажэлка, сьледчыя КДБ і пракуратуры! Не хавайце тайну зьнікнеьнняў ад свайго народа! Калі заўтра зьнікне яшчэ хтосьці, вінаваты ў гэтым будзе не толькі рэжым Лукашэнкі, але і вы таксама.

Больш маўчаць нельга!