Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
каб нагадаць жыхарам сталіцы пра тое, што ў Беларусі бясьсьледна зьнікаюць людзі. Маладыя хлопцы й дзяўчаты сталі з партрэтамі зьніклых - Юры Захаранкі, Віктара Ганчара, Анатоля Красоўскага, Зьміцера Завацкага, а таксама памерлага пры дзіўных абставінах Генадзя Карпенкі. Жывы ланцуг працягнулася ўздоўж праспэкту Скарыны ад Кастрычніцкай плошчы да плошчы Незалежнасьці. Акцыя доўжылася паўгадзіны, у ёй прынялі ўдзел 120 чалавек, на грудзёх якіх была налепка з выяваю ЗУБРА й словамі "Гонар! Радзіма! Свабода".
Працяг акцыі пратэсту народнага супраціву ЗУБР адбудзецца сёньня ўдзень у Менску на плошчы Волі. Учора, нагадаем, шэсьць актывістаў гэтага новага руху правялі ля будынка рэзыдэнцыі Лукашэнкі пікет пратэсту супраць зьнікненьня вядомых у Беларусі людзей. Трое ўдзельнікаў акцыі былі затрыманыя, сёньня іх чакае суд. Супраць трох ніякіх рэпрэсіяй не прадпрымалася. Акрамя Менску аказваецца, розныя акцыі ЗУБРА адбыліся таксама ў Віцебску й Брэсьце. Акрамя таго, у Беларусі працягваецца распаўсюджаньне спэцыяльнага выпуску газэты "Наша Свабода", які прысьвечаны праблемам зьнікненьня людзей. Матэрыялы спэцвыпуску - сёньня на нашым сайце. Сачыце за абнаўленьнямі.
Брытанская газэта "Daily Telegraph" амаль праз год вяртаецца да тэмы актыўнага супрацоўніцтва Іраку ў ваеннай сфэры з Расеяй і Беларусьсю: у канцы лютага выданьне апублікавала артыкул Джэсікі Бэры "Ірак павялічвае сакрэтныя закупкі расейскіх узбраеньняў". У ім паведамляецца аб тым, што, "як удалося даведацца "The Telegraph", Садам Гусэйн аддаў распараджэньне аб значным павелічэньні колькасьці супрацоўнікаў амбасадаў Іраку ў Расеі й Беларусі і прызначыў аднаго са сваіх высокапастаўленых ваенных кіраўніком новага разьведвальнага падразьдзяленьня ў Маскве".
Былы прам`ер-міністар Рэспублікі Беларусь Міхаіл Чыгір наведаў 5 сакавіка сьледчы камітэт пры МУС, дзе яму было аб`яўлена, што матар`ялы па трох эпізодах крымінальнае справы, якая расьсьледуецца ў дачыненьні да яго, будуць накіраваны на экспэртызу. Гэта матар`ялы па выплаце падаткаў падчас працы Міхаіла Чыгіра прадстаўніком нямецкай фірмы "Гея" у Маскве.
У польскім горадзе Беластоку на гэтым тыдні плянуецца рэгістрацыя "Саюзу беларускіх палітычных уцекачоў у Польшчы". Асноўнай задачаю "Союзу", згодна заяве ейных арганізатараў, будзе зьяўляцца наладжваньне прававой, фінансавай і інфармацыйнай дапамогі асобам, "якія вымушаны прыбываць у Польшчу зь Беларусі па палітычных меркаваньнях". У зьнешнепалітычным ведамстве Беларусі лічаць, што "калі такая арганізацыя будзе зарэгістравана ў Польшчы, МЗС Беларусі будзе разглядаць гэтае рашэньне як несяброўскі акт з боку суседняй дзяржавы, зь якім мы падтрымлівалі , падтрымліваем і будзем падтрымліваць сяброўскія адносіны".
Каля ста сем`яў перасяленцаў з Чарнобыльскай зоны добраахвотна вярнуліся ў паселішчы, забруджаныя радыёактыўнымі выкідамі. Напачатку 90-х з забруджаных ад выбуху на ЧАЭС мясьцінаў у г. Масты Гарадзенскай вобласьці перасялілася 360 сем`яў. На сёньняшні дзень іх засталося толькі 250. У Мастах іх чакалі новыя кватэры. І менавіта "кватэрнае пытаньне" стала штуршком да канфлікту паміж перасяленцамі і мясцовымі жыхарамі.
, iнформэр
