Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Эканамічная палітыка Лукашэнкі дапякла такі кіраўнікоў беларускіх прадпрыемстваў. Згодна апытаньню, што правёў навукова-дасьледніцкі інстытут мінэканомікі, 77 адсоткаў кіраўнікоў беларускіх прадпрыемстваў упэўненыя, што эканоміка Беларусі перажывае ўпад з-за недахопу зваротных сродкаў, 70 адсоткаў - з-за нізкага плацежаздольнага попыту, 54 адсоткі - з-за падаткавай палітыкі дзяржавы, з-за высокіх коштаў на сыравіну і матар`ялы - 56 адсоткаў.
Акцыю пад назовам "Канстытуцыя-2001" правёў Малады Фронт 15 сакавіка. Двое ўдзельнікаў акцыі былі затрыманыя супрацоўнікамі міліцыі й дастаўлены ў РАУС Цэнтральнага раёну Менску.
Марш Свабоды, самая масавая й мірная акцыя апазыцыі, прайшла ў Менску год таму, 15 сакавіка. Нягледзячы на ўсе запалохваньні ўладаў і благое надвор`е, у той дзень на акцыю аб`яднанай апазыцыі Марш Свабоды выйшла каля 40 тысячаў чалавек. Акцыя прайшла бяз эксцэсаў і ператварылася ў сапраўднае сьвята для людзей, якія яе наведалі.
8 месяцаў таму незразумела, пры загадкавых абставінах зьнік аператар ГРТ Зьміцер Завацкі. Газэта "Народная воля" апублікавала 14 сакавіка інтэрв`ю з маці Зьміцера - Вольгай Завацкай. "Я жду. Жду и жду. И почему-то уверена, что дождусь. 1 января к нам домой пришел котик. Сейчас он живет у нас. Говорят, это хорошая примета…Дима вернется. Я верю".Чытайце цалкам тэкст інтэв`ю тут..
У спэцыяльным выпуску Беларускага тэлебачаньня па выніках 8-гадзіннага паседжаньня з прадстаўнікамі сілавых структураў быў паказаны фрагмент выступу Аляксандра Лукашэнкі, які расцаніў дзеяньні заходніх і расейскіх спэцслужбаў у Беларусі напярэдадні прэзыдэнцкіх выбараў "как некую охоту".
Прэзыдэнт Латвіі Вайра Віке-Фрэйберга, якая прыбыла зь дзяржаўным візытам у Літву, прапанавала главам усіх трох бальтыйскіх краінаў у бліжэйшы час выступіць з агульным зваротам да новай адміністрацыі ЗША й яшчэ раз падцьвердзіць сваё імкненьне стаць членамі НАТА. Прэзыдэнт Літвы Валдас Адамкус падтрымаў такую ідэю.
Нягледзячы на ўпартае адмаўленьне чыноўнікаў, працягваюць хадзіць чуткі, што на Беларусі аб`явіўся яшчур. Нібыта на мытні "Заходні Буг" затрыманыя два аўтамабіля, груз якіх --мясны фарш і сыр - выклікаў у спэцыялістаў падазрэньне на вірус яшчура.
Беларускі прафсаюз работнікаў навукі й адукацыі зьявярнуўся ў Канстытуцыйны суд з просьбаю даць заключэньне аб адпаведнасьці артыкулаў працоўнага кодэксу Канстытуцыі Рэспублікі Беларусь. Такія рушучыя дзеяньні прафсаюзу выкліканыя адмоваю беларускага ўраду прымаць удзел у працы зьмірыцельнай камісіі й выступаць бокам калектыўнай працоўнай спрэчкі.
, iнформэр
