На каго працуюць настаўнікі? :: Хартыя'97 :: Навiны

Беларускі прафсаюз работнікаў навукі й адукацыі зьявярнуўся ў Канстытуцыйны суд з просьбаю даць заключэньне аб адпаведнасьці артыкулаў працоўнага кодэксу Канстытуцыі Рэспублікі Беларусь. Такія рушучыя дзеяньні прафсаюзу выкліканыя адмоваю беларускага ўраду прымаць удзел у працы зьмірыцельнай камісіі й выступаць бокам калектыўнай працоўнай спрэчкі.

Рашэньне пра пачатак калектыўнай спрэчкі з урадам прэзыдуюм цэнтральнага камітэту прафсаюзу прыняў з- за невыкананьня іх патрабаваньняў, выкладзеных у рэзалюцыі прафсаюзу і замацаваных подпісамі больш 180 тысячаў педагогаў. Настаўнікі патрабавалі ад кіраўніцтва больш высокіх заробкаў. Пра што і было накіраваны ліст прам`ер - міністру краіны Ўладзімеру Ярмошыну.

У лісьце прам`еру прафсаюз спасылаўся на арт.63 Працоўнага кодэксу, якая кажа: "Формы й сыстэмы аплаты працы работнікаў арганізацыі, якія фінансуюцца зь бюджэту і карыстаюцца дзяраўнымі датацыямі, усталёўваюцца наймальнікам, а памеры аплаты працы - урадам Рэспублікі Беларусь ці ўпаўнаважаным ім ворганам".

Але беларускі ўрад, як вядома, надзейна абаронены ад любых пасягальніцтваў грамадзянаў усё тым самым ўласна распрацаванаым заканадаўствам. Спасылаючыся на яго, Савет міністраў, Міністэрства працы й Рэспубліканскі працоўны арбітраж у адзін голас заявілі, што "у адпаведнасьці з палажэньнямі артыкула 378 Працоўнага кодэксу Рэспублікі Беларусь бакамі калектыўнай працоўнай спрэчкі зьяўляюцца наймальнік (наймальнікі, аб`яднаньні наймальнікаў) і работнікі ў асобе іх прадстаўнічых ворганаў. Урад Рэспублікі Беларусь выступае бокам калектыўнай працоўнай спрэчкі".

Адным словам, афіцыйнага наймальніка педагогі ня маюць. Узьнікае пытаньне - на каго працуем?

Вось таму прафсаюз працаўнікоў навукі й адукацыі і спадзяемся даведацца ад КС, які ворган пры ўзьнікненьні калектыўнай працоўнай спрэчкі ў галіне адукацыі на рэспубліканскім узроўні можа зьяўляцца бокам наймальніка, і да якога воргана яны могуць прад`яўляць свае патрабаваньні