Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зубр пратэстуе супраць арышту Антона Цялежнікава 11:09, 15/03/2001, Наталя Радзіна
ЗУБР правёў акцыю пратэсту супраць затрыманьня Антона Цялежнікава ў Барысаве 15 сакавіка. Нагадаем, што Антон Цялежнікаў атрымаў 15 сутак арышту толькі праз тое, што выйшаў 5 сакавіка, зь некалькімі адважнымі хлопцамі, да Адміністрацыі прэзыдэнта з партрэтамі зьніклых у Беларусі людзей. Для таго каб прыцякнуць увагу барысаўчан да гэтай несправядлівай жорсткасьці ўладаў, 15 "зубраў" выйшлі на цэнтральную вуліцу горада з плякатамі, якія прыцягвалі ўвагу вялікімі літарамі надпісу "Свабоду Антону Цялежнікаву!".
Адначасова з "зубрамі" раздаваўся спэцвыпуск газэты "Наша свабода" й ўлёткі наступнага зьместу: "Антон Цялежнікаў вось ужо другі дзень знаходзіцца за кратамі толькі з-за таго, што хацеў ведаць, куды зьнікаюць людзі ў Беларусі".
Хлопцы пратрымаліся паўтары гадзіны. Адзін з удзельнікаў акцыі - Зьміцер Бародка - быў затрыманы супрацоўнікамі міліцыі й адканваіраваны ў барысаўскі гарадзкі адзьдзел міліцыі для складаньня пратаколу.
, iнформэр
