Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Нізкапаклоньніцтва спартоўцаў перайшло ўсялякія межы. Беларускія алімпійцы, як заўсёды расшаркваючыся, папрасілі Лукашэнку даць згоду на паўторнае выбраньне прэзыдэнтам Нацыянальнага алімпійскага камітэту. На імя Аляксандара Лукашэнкі паступіў ліст ад групы выдатных спартоўцаў, сярод якіх трохразовы алімпійскі чэмпіён Аляксандар Мядзьведзь, чатырохразовы алімпійскі чэмпіён Віктар Сідзяк, алімпійскія чэмпіёны Сяргей Макаранка, Ромуальд Клім, Антаніна Кошаль, Валеры Шарый, Мікалай Алехін, Марына Любач, Аляксандар Каршакевіч, Аляксандар Раманькоў, Эліна Зьверава й Яніна Карольчык.
З надыходам вясны беларускія ўлады традыцыйна пачынаюць шукаць грошы на пасяўную ў банках і прадпрыемствах. Рэспубліканскія ўлады ўжо ўзяліся за банкі, а мясцовыя - за прадпрыемствы і прадпрымальнікаў. Але нават гэтых пабораў недастаткова, таму яны пачынаюць вычварацца, штомясяц наладжваючы суботнікі, мізэрныя даходы ад якіх сталі прычынаю дадатковых пабораў. Нікога не хвалюе, колькі грошай запрацуюць на суботніках прадпрыемствы, падкрэсьліваецца канкрэтная сума - 4 адсоткі ад штомесячнага даходу для юрыдычных асобаў і 20 000 ад індывідуальных прадпрымальнікаў.
На борце расейскага самалёту ТУ-154, які ляцеў са Стамбула ў Маскву і захопленага тэрарыстамі, знаходзяцца трое грамадзянаў Беларусі. Між іншым, сёньня спэцслужбы Саўдаўскай Аравіі правялі штурм захопленага самалёту. Паводле непацьверджаных пакуль афіцыйных зьвестак, сярод заложнікаў, ёсць пацярпелыя. Па сьведчаньням відавочцаў, падчас штурму паранены пасажыр - грамадзянін Турцыі і сьцюардэса. Паводле іншых зьвестак, пры штурме загінулі тры чалавекі.
У кватэры актывіста апазыцыі Аляксандра Абрамовіча 15 сакавіка вечарам супрацоўнікі пракуратуры рабілі вобыск. Нагадаем, што супраць А. Абрамовіча ўзбуджана крымінальная справа за паклёп Лукашэнкі.
Пытаньне аб падрыхтоўцы да пасяўной у Гомельскім аблвыканкаме да сёньня застаецца адкрытым. Гэты факт можна назваць бяспрэцэндэнтным, бо па заслуханным у аблвыканкаме пытаньням рашэньне ці прымаецца, ці адпраўляецца "на дапрацоўку".
Гігант наваполацкай індустрыі - вытворчае аб`яднаньне "Палімір" перажывае сур`ёзную крызу. Яе асноўнай прадукцыяй, поліэтыленам, сёньня запоўненыя ўсе склады і таварныя вагоны, што стаяць на прызавоцкай чыгунцы. Праблема збыту прадукцыі ўзьнікла з-за таго, што айчынны спажывец ня ў стане набыць яе з-за адсутнасьці сродкаў, а спажыўцы блізкага й далёка замежжа, якія да сёньня з задавальненьнем бралі беларускі поліэтылен, пераключыліся на больш танную прадукцыю расейскай вытворчасьці.
"Белэнэрга" не дае ліцэнзіі на вытворчасьць электраэнэргіі ветраку, прывезенаму зь Нямеччыны ў вёску Занарач Мядзельскага раёну ў якасьці гуманітарнай дапамогі. Хоць сродкі ад эксплуатацыі гэтага ветраку павінны балі пайсьці на пабудову жыльля для чарнобыльскіх перасяленцаў, "Белэнэрга" не дае ліцэнзіі недзяржаўнай дабрачыннай арганізацыі, спасылаючыся на абсурдны ліст Мінюсту, у якім адзначана, што дабрачынная арганізацыя не можа мець ліцэнзіі на вытворчасьць электраэнэргіі.
, iнформэр
