"Дамы замест Чарнобылю" беларускім уладам не патрэбны. Іх задавальняе Чарнобыль :: Хартыя'97 :: Навiны

"Белэнэрга" не дае ліцэнзіі на вытворчасьць электраэнэргіі ветраку, прывезенаму зь Нямеччыны ў вёску Занарач Мядзельскага раёну ў якасьці гуманітарнай дапамогі. Хоць сродкі ад эксплуатацыі гэтага ветраку павінны балі пайсьці на пабудову жыльля для чарнобыльскіх перасяленцаў, "Белэнэрга" не дае ліцэнзіі недзяржаўнай дабрачыннай арганізацыі, спасылаючыся на абсурдны ліст Мінюсту, у якім адзначана, што дабрачынная арганізацыя не можа мець ліцэнзіі на вытворчасьць электраэнэргіі.

Праэкт усталяваньня ветраку ў вёсцы Занарач Мядзельскага раёну належыць нямецка - беларускай дабрачыннай арганізацыі "Дамы замест Чарнобылю". Каштаваў ён каля паўмільёны нямецкіх марак. Гэта былі цалкам прыватныя ахвяраваньні зь нямецкага боку. Праз інтрыгі "Белэнэрга" вятрак бясплатна выпрацаваў 15 кілават гадзінаў электаэнэргіі для Маладзечанскіх электрасетак.

Сытуацыя склалася парадаксальная. Нямецкі бок, вядома, не будзе працаваць "на дзядзьку" і больш ніколі не праспансуе такі прэкт. А праэкт насамрэч варты. У цывілізаваным сьвеце даўно зразумелі, што нафты й газы на зямлі засталося мінімум на 50-60 гадоў. На жыцьцё аднаго пакаленьня. І таму ў шматлікіх краінах сёньня пераходзяць на альтэрнатыўную энэргетыку. Акрамя Беларусі, вядома.

А, паміж тым, у адпаведнасьці з праграмаю федэральнага ўраду Нямеччыны "Эльдарада", беларускі бок мог бы набыць гэтыя ветракі ўсяго за 30% ад іх кошту (звычайны кошт млыну - 900 000 нямецкіх марак).